Өнөөдөр цахим орчинд ХЗДХ-ийн сайд асан, УИХ-ын гишүүн О.Алтангэрэл автобус хүлээж буй зураг цахим орчинд нийтлэгдэж, иргэд энгийн хүн юм, манай дарга нар хэзээ ч ингэж явдаггүй хэмээн бичээд буй.
Тэгвэл энэ талаар УИХ-ын гишүүн О.Алтангэрэл сэтгүүлчийн асуусан асуултад хариулжээ. Тэрээр, "Долоо хоногийн хоёр өдөр алхаад бусад үед автобусаар зорчдог. Яаралтай ажил, томилолттой үед машинаа унадаг. Ер нь хотын энэ их түгжрэлд нэмэр болоод яахав. Дээрээс нь манай нийтийн тээвэр их сайжирсан. Автобусанд ахмадууд их таньж, захиас өгдөг. Энэ ер нь тийм мундаг сүрхий дээ биш түгжрэхгүй байх, эрүүл байх үүднээсээ автобусанд сууж, алхдаг" гэжээ.
