Тан Жэньжян 2007-2024 оны хооронд төв болон орон нутгийн түвшинд янз бүрийн албан тушаал хашиж байхдаа албан тушаалын байдлаа урвуулан ашиглаж, холбогдох байгууллага, хувь хүмүүст аж ахуйн үйл ажиллагаа явуулах, төслийн гэрээ байгуулах, боловсон хүчний халаа сэлгээ хийх зэрэг асуудлаар туслалцаа үзүүлсэн нь мөрдөн шалгалтаар тогтоогджээ. Үүнийхээ хариуд тэрбээр нийт 2.68 тэрбум юань (38 сая орчим ам.доллар) үнэлгээ бүхий мөнгө, эд зүйл хахууль болгон авсан байна.
