Ерөнхий сайд Г.Занданшатар мэдэгдэл хийлээ.
Тэрээр "Тавантолгойн бүлэг ордоос ашиглагдаагүй үлдсэн ганц хэсэг болох Бор тээгийг ашиглахаар 2026 оны төсвийн төсөлтэй хамт тогтоолын төсөл өргөн барьсан. Гэтэл гурван сарын өмнө нэр дэвшихгүй гэж байсан УИХ-ын дарга гэнэтхэн намын даргад өрсөлдөхөөр нэр дэвшиж байгаагаа зарласан. УИХ-ын даргыг нүүрсний хулгайн эсрэг гэмт хэрэгт хамтран ажиллана гэж итгэж байсан. Нүүрсний хулгайд холбогдсон гэдэгт нь итгэхийг хүсээгүй. Харамсалтай нь УИХ-ын дарга энэ асуудлуудад нэр холбогдсон байсан. Өнөөдөр эвлэлдэн нэгдэх тухай ярьж байна. Эв нэгдэл шударга ёсон дээр тулгуурлах ёстой. Авлига, нүүрний хулгайг хаацайлсан эв нэгдэл гэж байх учиргүй. Тиймээс Ерөнхий сайд би Үндсэн хуульд заасан онцгой бүрэн эрхийнхээ дагуу УИХ-ын гишүүн Б.Энхбаярыг Хууль зүй, дотоод хэргийн сайдаар томилж байгаагаа мэдэгдэж байна. Нүүрсний хулгайтай хийх тэмцлээ илүү эрч хүчтэй, эрс шийдэмгий хийхийн тулд Б.Энхбаярыг Хууль зүй, дотоод хэргийн сайдаар томиллоо" гэв.
