Н.Учрал: Өнөөдрийн Засгийн газрын хуралдаанаар үндэсний баялгийн сангийн хуулийг хэрэгжүүлэх зарим арга хэмжээний тухай засгийн газрын тогтоол батлагдсан. Монгол улсын үндсэн хуульд газрын хэвлийн баялаг бол ард түмний өмч байна. Дээрээс нь түүний ноогдол ашиг үр шимийг дийлэнхийг нь ард түмэн эзэмшинэ гэж заасан. Стратегийн орд гэдэг бол монгол улсын нэг жилд ДНБ- ний 5 хувиас дээших хэмжээний бүтээгдэхүүн үйлдвэрлэж байгаа буюу үйлдвэрлэх боломжтой ордыг хэлдэг. 16 стратегийн орд байгаагийн дотроос 7 стратегийн орд л төрийн эзэмшилд байгаа. Харин 9 стратегийн орд нь өнөөдрийн байдлаар хувийн эзэмшилд байгаа юм.
Хувийн хэвшилд байгаа стратегийн орд эзэмшиж байгаа компаниуд руу хэлэлцээрийн урилга хүргүүлнэ. Хэлэлцээрийн ширээнд сууж хамтдаа энэ асуудлыг аль аль талдаа ашигтай байдлаар шийднэ. Энэ шийдвэр нь хувийн хэвшлийн бизнест шууд халдаж байгаа ойлголт огт биш энэ бол хэлэлцээр. Оюу толгойн гэрээ, гадаадын хөрөнгө оруулалтын гэрээг их хурал дээр оруулдаг шиг энэ ордуудын төрийн эзэмшлийн хувь хэмжээг нь тогтооно гэжээ
Дараах 9 компанид хэлэлцээрийн урилга хүргүүлнэ
1. ЦАГААН СУВАРГА – ЗЭС МОЛИБДЕН
2.БОРОО- АЛТ
3.БҮРЭНХААН – ФОСФОРИТ
4.ГАЦУУРТ - АЛТ
5.НАРИЙН СУХАЙТ – НҮҮРС
6.МАРДАЙ – УРАН
7.ГУРВАНБУЛАГ- УРАН
8. ДОРНОД- УРАН
9. ТӨМӨРТЭЙН ОВОО – ЦАЙР ХАР ТУГАЛГА
