Засгаас гарна гэж байсан ИЗНН-ынхан МАН-тай хамтран ажиллах гэрээ байгуулах Ажлын хэсгийг байгуулжээ. Өчигдбр хуралдсан тус намын Улс төрийн зөвлөлөөс дараах гурван шийдвэрийг гаргасан байна. Үүнд:
-МАН-тай хамтран ажиллах гэрээ байгуулах Ажлын хэсгийг байгуулжээ. Тус Ажлын хэсгийг ИЗНН-ын Ерөнхий нарийн бичгийн дарга Ч.Мөнхжаргал ахалж, УИХ-ын гишүүн Р.Батболд, С.Замира нар ажиллахаар болсон байна.
-Хоёрдугаарт, энэ сарын 14-нд болох ИЗНН-ын 12 дугаар ээлжит бус Их хурлын бэлтгэл ажлын мэдээллийг сонсжээ.
-Гуравдугаарт, 2027 оны Ерөнхийлөгчийн сонгуульд оролцох бэлтгэл ажлын "Бодлогын зөвлөл" иргэд, гишүүдтэй холбогдсон асуудлаар санал солилцсон байна
