Нисэхийн тойргоос тэмээтэй хөшөө хүртэл нэгдүгээр эгнээг чөлөөлж нийтийн тээвэр явуулна

НИТХ-ын дарга А.Баяраар ахлуулсан Түгжрэлийг бууруулах ажлын хэсэг Хан-Уул дүүргийн нутаг дэвсгэр Яармагийн гүүр орчмын авто замын өргөтгөл болоод нөхцөл байдалтай танилцаж ажиллалаа. Учир нь Нисэхийн тойргоос 120 буюу Тэмээтэй хөшөө хүртэлх авто замын нэгдүгээр эгнээг бүрэн чөлөөлж нийтийн тээврийН автобусыг саадгүй зорчих нөхцөлийг бүрдүүлэхээр ажиллаж байгаа юм.

НИТХ-ын дарга А.Баяр, Хан-Уул дүүргийн ИТХ-ын дарга Ч.Бат-Оргил, Нийслэлийн Замын хөгжлийн газрын дарга Б.Одбаяр, Нийтийн тээврийн бодлогын газрын дарга Д.Отгонжаргал, Замын хөдөлгөөний удирдлагын төвийн захирал Ч.Хувьзаяа, Замын цагдаагийн газрын дарга, цагдаагийн хурандаа С.Галбадрах зэрэг албаныхан газар дээр нь ажиллаж, нийтийн тээврийн хүртээмж, хоорондын хугацааг багасгах зэрэг хохицуулалт хийх талаар хэлэлцлээ. НИТХ-ын дарга А.Баяр “Нийслэлийн иргэдыг хүссэн газраасаа зорьсон цагтаа автобусаар саадгүй зорчдог болгох үүднээс шат дараатай ажлуудыг хийж байна. Эхний ээлжид Таван шараас Офицеруудын ордон хүртэлх авто замын нэгдүгээр эгнээг чөлөөлж нийтийн тээврийн автобус бүрэн зорчих нөхцөлийг бүрдүүлсэн. Үүний үр дүнд автобусаар зорчих иргэдийн тоо эрс нэмэгдсэн. Одоо хоёрдугаар шатанд Нисэхийн тойргоос 120 буюу Тэмээтэй хөшөө хүртэл авто замын нэгдүгээр эгнээг чөлөөлж нийтийн тээврийн автобус саадгүй зорчих боломжийг бүрдүүлж байна. Оноос өмнө дээрх зохицуулалтыг эхлүүлнэ. Дараагийн ээлжид 3,4-р хорооллоос 100 айлын зам дагуу Цайз 16 хүртэлх авто замын нэгдүгээр эгнээг чөлөөлж нийтийн тээврийн автобус явуулах боломжтой эсэхийг судалж байна” гэлээ.

Авто замын өртгөл, тэмдэг тэмдэглэгээтэй холбоотой ажлыг хугацаанд дуусгах талаар Нийслэлийн Замын хөгжлийн дарга Б.Одбаярт үүрэг өглөө.

Эх сурвалж: НИТХ-ХМОНХА

Сүүлд нэмэгдсэн

• НИСЭХИЙН ТОЙРГООС ТЭМЭЭТЭЙ ХӨШӨӨ ХҮРТЭЛ АВТО ЗАМЫН НЭГДҮГЭЭР ЭГНЭЭГ ЧӨЛӨӨЛЖ НИЙТИЙН ТЭЭВРИЙН АВТОБУС ЯВУУЛНА2025/10/20 15:13
• “ҮНДЭСНИЙ ЦЭЦЭРЛЭГТ ХҮРЭЭЛЭН” ОНӨТҮГ-ЫН НИЙТ 96.44ГА ГАЗАРТ БҮТЭЭН БАЙГУУЛАЛТ ХИЙХ ТАЛААР ХЭЛЭЛЦЛЭЭ2025/10/16 20:17
• ЭРЧИМ ХҮЧНИЙ САЛБАРТ АНХ УДАА ТӨР, ХУВИЙН ХЭВШЛИЙН ТҮНШЛЭЛЭЭР ДЦС-V МЕГА ТӨСЛИЙГ ХЭРЭГЖҮҮЛЭХ ТҮҮХЭН ШИЙДВЭРИЙГ НИТХ БАТАЛЛАА2025/10/16 18:16
• ТУСГАЙ БҮСЭД ҮЙЛ АЖИЛЛАГАА ЭРХЛЭХ АЖ АХУЙ НЭГЖҮҮДЭД ДАРААХ ТАТВАРЫН БУС ДЭМЖЛЭГИЙГ ҮЗҮҮЛНЭ2025/10/16 18:08
• 800 АЙЛЫН “НОГООН ОРОН СУУЦ” ТӨСЛИЙН МЕТР КВАДРАТЫН ҮНИЙГ БАТАЛЛАА2025/10/16 17:16
• ГАЗРЫГ ДАХИН ТӨЛӨВЛӨХ, ГЭР ХОРООЛЛЫН ХӨГЖЛИЙН САНГИЙН ТАЛААР ХЭЛЭЛЦЛЭЭ2025/10/16 15:03
• БАРИЛГЫН ЗУРАГ ТӨСӨЛ, НОРМТОЙ ХОЛБООТОЙ БАРИМТ БИЧГИЙН УДААШРАЛТЫГ ШИЙДЭХ ОРОН НУТГИЙН ӨМЧИТ ГАЗАР БАЙГУУЛАХ ТУХАЙ АСУУДЛЫГ ХЭЛЭЛЦЛЭЭ2025/10/16 12:06
• А.БАЯР: 102 АППЛИКЭЙШНЭЭР ЗӨРЧИЛ МЭДЭЭЛСЭН ИРГЭНД ТОРГУУЛИЙН 10-20 ХУВИЙГ УРАМШУУЛАЛ ХЭЛБЭРЭЭР БУЦААН ОЛГОНО2025/10/16 09:27
• "ҮНДЭСНИЙ ЦЭЦЭРЛЭГТ ХҮРЭЭЛЭН" ОНӨТҮГ-ЫН ЭЗЭМШИЛ ГАЗАРТ ТӨЛӨВЛӨЖ БУЙ БҮТЭЭН БАЙГУУЛАЛТЫН ТАЛААР СОНСЛОО2025/10/14 18:15
• НАРНЫ ГҮҮРНИЙ ДООГУУРХ ЗАМЫГ ХОЁР УРСГАЛТАЙ БОЛГОН ӨРГӨТГӨЖ МТС-ИЙН УУЛЗВАРААР БУЦАЖ ЭРГЭХ ШААРДЛАГАГҮЙ ЗОХИЦУУЛАЛТ ХИЙНЭ2025/10/14 17:11