Маргаан дагуулсан 2025.10.17-ны өдрийн УИХ-ын чуулганыг ирцийг дахин бүртгээгүй гэх үндэслэлээр Цэцэд хандсан. Ерөнхийлөгч зөвхөн Засгийн газрыг огцруулсанд хориг тавьснаар нэг талыг барьсан байр суурь илэрхийлээд байна. Хуулийн болон логикоор үндэслэлээс нь үзвэл Ерөнхийлөгч хориг тавьснаар тухайн өдөр УИХ-ын чуулганаар хэлэлцсэн дараах асуудлууд бүгд хоригт орно гэсэн үг болж байна. Үүнд:
1. Ерөнхий сайдыг огцруулах
2. Монгол Улсын Их Хурлын даргыг чөлөөлөх
3. Монгол Улсын нэгдсэн төсвийн 2026 оны төсвийн хүрээний мэдэгдэл, 2027-2028 оны төсвийн төсөөллийн тухай хуульд өөрчлөлт оруулах тухай хуулийн төслийн хоёр дахь хэлэлцүүлэг
4. “Төрөөс мөнгөний бодлогын талаар 2026 онд баримтлах үндсэн чиглэл батлах тухай” Улсын Их Хурлын тогтоолын төсөл
5.Монгол Улсын 2026 оны төсвийн тухай, Үндэсний баялгийн сангийн 2026 оны төсвийн тухай, Нийгмийн даатгалын сангийн 2026 оны төсвийн тухай, Эрүүл мэндийн даатгалын сангийн 2026 оны төсвийн тухай хуулийн төслүүдийн хоёр дахь хэлэлцүүлэг
6.Монгол Улсын 2026 оны төсвийн тухай хуулийн төсөлтэй хамт өргөн мэдүүлсэн хууль, тогтоолын төслүүдийг хэлэлцэх эсэх зэрэг энэ өдөр УИХ-аар хэлэлцсэн бүх асуудлууд хүчингүй болно гэсэн үг болж байна.
Учир 2025.10.17 ны өдрийн УИХ-ын чуулганы ирцийг хууль зөрчсөн гэж үзэж байгаа бол энэ чуулганаар хэлэлцсэн, шийдсэн бүх асуудал хууль зөрчсөн болж байгаа юм.
