Дөнгөж сая МУ-ын Ерөнхий сайд мэдэгдэл хийж, өөрийн бүрэн эрхийн хүрээнд ХЗДХ-ийн сайдаар УИХ-ын гишүүн Б.Энхбаярыг томилж буйгаа мэдэгдлээ. Уг асуудалтай холбогдуулан зарим гишүүд байр сууриа илэрхийлжээ.
УИХ-ын гишүүн Ч.Лодойсамбуу: "Бүх ард түмний нүдэн дээр ХОНГИЛынхоо харуулыг заналтайгаар сольж үзүүллээ дээ. Юун хууль засаглах. “Хүн л засагладаг юм! Харцгаа та нар!” гээд ил тод хашгирчихаад орлоо.
Хоёрдугаарт, Авлига хулгайтай ингэж тэмцэхгүй. Үүнийг бүх юм болсоны дараа жонгинох, гонгинох, өс зангидах гэнэ. Өмнөх Ерөнхий сайдыг ч авлигатай огт тэмцээгүй гэж байсан маань ийм л шалтгаантай. Уг нь улсын Ерөнхий сайд хүн байна даа, гарч ирээд “Уул уурхайг төрөөс салгалаа” гээд шийдвэрүүдээ танилцуулсан бол Монголчуудын нар гарах байлаа. Төр хэдий чинээ хөрөнгөтэй байна, төдий чинээ авлига, хулгай цэцэглэнэ. Төрийг энэ их өмч, эрх мэдлээс салгахгүйгээр “Авлигатай тэмцэнэ!” гэдэг үг бүхэн хоосон авиа" гэжээ.
