Techno4k-н Pain Gaming багийн эсрэг хожил авсаны дараа өгсөн ярилцлага:
Баяр хүргэе, том ялалт байлаа, Мажорын финалд шалгарлаа. Энэ танд юуг илэрхийлж байна вэ? Та суудлаасаа босохдоо энэ бол ердийн зүйл мэт харагдаж байсан.
-Бид маш хурдан сайжирч, алхам алхмаар урагшилж байна. Бид эцэстээ гранд финалд хүрч, Vitality-тай тоглоно. Бид тэдэнд олон удаа хожигдсон, сүүлд тэдэнтэй тоглоход маш ойрхон байсан ч дуусгаж чадаагүй. Одоо тэдэнтэй дахин тоглоход тохиромжтой цаг болжээ.
Та өшөө авахыг хүсч байна уу?
-Тийм, би өмнө нь хэлсэн, одоо өшөө авах цаг.
Таны дурдсан Vitality-тай тоглоход зарим өөрийн алдаанаас болж хожигдсон. Энэ удаагийн дахин учраанд хэрхэн хандах вэ?
-Ердийн байдлаа хадгалж, өчигдөр, өнөөдрийн тоглолтынхоо түвшинг баривал болох байх.
Өчигдөр, өнөөдрийн тоглолтын талаар ярихад, The MongolZ баг Мажорт орж ирэхэд гол яриа нь та нар тайзан дээр тоглоход бэрхшээлтэй гэдэг байсан (Техно толгой дохино). Та нар Aurora-г хожсон ч бусад тохиолдолд олон нийтийн өмнө тоглоход MongolZ ижил биш байсан. Энэ удаа яагаад өөр байна вэ?
-Магадгүй, юуны түрүүнд энэ бол Мажор. Энэ бол CS-ийн хамгийн чухал тэмцээн, магадгүй сэтгэл зүйн хувьд бүх баг өөрчлөгддөг байх. Гэхдээ бид үүнийг ердийн тэмцээн мэт удирдаж, даруу байхыг хичээсэн.
Ердийн тэмцээнүүдэд ч гэсэн аренад тоглоход хүнд байсан. Харин энэ аренад та нар FaZe-г хожсоныхоо дараа үзэгчдийн дэмжлэгийг авсан. Энэ ямар санагдаж байна вэ?
-Одоо үзэгчид бидний талд байна. Өчигдөр тэд бидний талд байгаагүй, харин өнөөдөр гайхалтай байлаа.
Та үүнийг таашаж байна уу?
-Мэдээж, тийм. Энэ бол маш том арена, Мажорын гранд финал.
Сензүгийн талаар; тэр аренад тоглоход бэрхшээлтэй байсан. Гэтэл энд тэр үнэхээр сайн тоглож байна, энэ тоглоомд гайхалтай байж, олон чухал раундуудыг авсан. Сүүлийн хэдэн тэмцээнээс хойш түүнд ямар нэгэн өөрчлөлт гарсан уу?
-Хүмүүс түүнийг тайзан дээр тоглож чаддаггүй гэж ярьдаг, гэхдээ би үүнтэй санал нийлдэггүй. Тэр маш сайн тоглож, гайхалтай тоглолт үзүүлж, жинхэнэ араатан шиг тоглож чадна. Тэр бол араатан (инээмсэглэнэ).
Монгол Улс болон Азийн Counter-Strike-д энэ бол том мөч. Маргааш та нар энэ амжилтыг үргэлжлүүлэхийн тулд юуг хийнэ гэж найдаж байна вэ?
-Бид гранд финалд хүрсэн, бид ялахын тулд ирсэн. Ганцхан үг: ялах.
