Монгол Улсын гавьяат тамирчин Ц.Шаравжамц Монголын өсвөрийн сагчдыг АНУ-ын AAU хүүхдийн лигт тоглуулах талаар өөрийн хүү, АНУ-ын NBA-ын тоглогч сагсчин Ш.Мөнхийн - Одын хамт мэдээлэл хийлээ. Тэд АНУ-ын Чикаго хотод байрлах Монгол Авьяас Академитай хамтран хүүхдийн шигшээ баг бүрдүүлэн АНУ-ын AAU хүүхдийн лигт Монгол хүүхдүүдээ оруулах юм байна. Уг лигээс NBA болон NCAA-ийн мэргэжлийн олон тоглогчид төрөн гарсан ажээ. Тэднийг ярьсныг фокуслав.
Монгол Улсын гавьяат тамирчин Ц.Шаравжамц: Монгол Улсаас өсвөрийн сагсан бөмбөгчдийг АНУ-ын зуны лиг буюу AAU лигт аваачин тоглуулж, тамирчдаа АНУ-д дасгалжуулах, скаутад бэлтгэх чиглэлээр явах юм. Урьд нь манайхаас Ш.Энхийн-Одоос эхлээд ганц нэг тамирчид очсон. AAU лиг нь ясайн тоглодог хүүхдүүдийг цуглуулаад нэг баг болгоод хавар, зун лигт оролцуулдаг. Ганц нэгээрээ тамирчид маань тийшээ очоод баг болж ороход хамгийн хүнд асуудал байсан. Энэ асуудлыг яаж шийдэх вэ гэж бодож байгаад ганц нэгээр нь биш багаар нь бэлтгэвэл боломж байна гэж АНУ-ын Чикагод байгаа Монгол Авьяас Академи санал тавьсан. Энэ академитай Старс академи хамтран энэхүү төслийг хэрэгжүүлэхээр болж байгаа юм.
Монгол Авьяас Академийн төлөөлөгч Хүдэрбаяр: AAU-д маш олон төрлийн спорт байдаг. Топ таван төрөл нь сагсанбөмбөг, волейбол, сэлэлт гэх мэт дээд түвшний спортууд байдаг. Бид яагаад энд баг бүрдүүлж орох гээд байгаа вэ гэвэл хамгийн шилдэг тоглогчид тэнд заавал очиж тоглодог. Олон мужаар дамжиж тоглоно. Бид ур чадвараа хөгжүүлэх, сагсанбөмбөгийн хамгийн өндөр хөгжилтэй оронд тамирчнаа бэлтгэх, туршлага судлах, хөгжүүлэх зорилгоор энэхүү төслийг хэрэгжүүлж байгаа юм.
"Старс" академийн төлөөлөл Ш.Мөнхийн-Од: Сонгох шалгаруулалт манай веб сайтаар 2025 оны нэгдүгээр сарын 14-ний өдөр 09:00-17:00 цаг хүртэл үргэлжилнэ. Тухайн өдөр 09:00-11:00 цаг хүртэл U18-U19 хүртэл бүртгэнэ. 11:00-13:00 цаг хүртэл U17, 13:00-15:00 цаг хүртэл U16, 15:00-17:00 цаг хүртэл U15 бүртгэх юм.
Сонгон шалгаруулалт ямар зарчмаар явах вэ гэвэл NBA-ийн комбайн 4-5 дасгал бий. Түүгээр шалгана. Дараа нь тоглуулж, бичлэг хийгээд тоглолтын ур чадвар, бэлтгэлжилтийг харж хүүхдүүдээ сонгоно
