Маргааш буюу энэ сарын 26-нд “Сэр залуус аа” нэртэй жагсаал болох тухай мэдээлэл цахим орчинд яваад эхэлсэн. Уг жагсаал зохион байгуулагчтай, улс төр ашиг сонирхлын зорилготой юу, эсвэл үнэхээр төр засгийн буруу шийдвэрээс шалтгаалан олон нийт бухимдаж байна уу гэдэгт цахим орчинд иргэд маргаад буй.
Учир нь уг жагсаалд оролцохыг жагсаал үймүүлэгч О.Отгонтөгс уриалаад эхэлсэн байна. Тэрбээр жагсаалд оролцохыг уриалж өдөр, шөнөгүй лайв хийж, цахим хуудасдаа “Улсын эмнэлэг нь хүртэл төлбөртэй болсон байхад дээр суусан гөлөгнүүд рүү биш хоорондоо хэмлэлдээд үмбүү арчаагүй Монголчууд”, “Утасны цаанаас тэмцсээр байгаад мөхсөн ард түмэн гэж түүхэнд бичигдэх вий. Бүгдийг нь нухчин дарж байж өөрчлөгдөнө” гэжээ.
Тэрбээр өмнө нь хэд хэдэн жагсаалд уриалж, иргэдийг турхирчихаад өөрөө алга болж байсан удаатай. Тухайлбал, 2022 оны 4 дүгээр сард болсон “Ажлаа хий” жагсаалыг эхлүүлсэн атлаа өөрөө байгаагүй.
О.Отгонтөгс мэтийн хүмүүс жагсаалд оролцоод ирэхээр ардаа санхүүжилттэй, улс төр ашиг сонирхолын жагсаал болдог гэдгийг иргэд ч мэдэж байгаа бололтой.
