Өнгөрсөн долоо хоногийн ням гаригаас эхлэн Монгол тв албан ёсны эрхтэй хүргэдэг дэлхийн хэмжээний шоу болох “Voice of Mongolia”-ийн шинэ улирлыг хүргэж эхэлсэн билээ. Уг шоу энэ улиралд шүүгчдийн бүрэлдэхүүнд шинэчлэл оруулж, Дуучин Н.Наранбаатар буюу Наагий, реппер BIG GEE /Т.Мөнх-Эрдэнэ/болон Никитон хамтлагийн ахлагч Б.Батчулууныг багтаажээ.
Тэгвэл үзэгчдийн зүгээс Никитон хамтлагийн ахлагч Б.Батчулуунд сэтгэл дундуур шүүмжлэлтэй хандаж буйгаа илэрхийлээд байгаа юм. Учир нь тэрээр 4 жилийн өмнө дуучин С.Сэрчмаагийн хамт машин дотор лайв хийж, +18 агуулга бүхий онигоо ярихдаа хүчингийн байж болзошгүй хэргийн талаар хөхрөлдөн ярьсан нь тухайн үед иргэдийн дургүйцлийг ихэд хүргэж, үзэгч сонсогчид дууг нь сонсохгүй байх, байгууллагууд хамтрахгүй байх гэх мэтчилэн бүллидэж байсан юм. Тодруулбал тэрээр нэгэн найзынхаа тухай “миний нэг найз, нэгэн бүсгүйг архи, айраг хольж уулган согтоож байгаад хүчирхийлэх гэсэн чинь” гэх утга бүхий зүйл ярьсан бөгөөд энэ хэргийг тухайн үед цагдаагийн байгууллагаас шалгаж байсан юм.
Гэтэл ийм ёс зүйгүй эмэгтэй хүнийг доромжилсон, ноцтой гэмт хэрэг байж болзошгүй зүйлийг хээв нэг онигоо болгон ярьж байсан хүнийг дэлхийн хэмжээний шоу нэвтрүүлгийн шүүгч хийлгэхээр сонгож буй нь “Монгол тв” ч мөн ёс зүйгүй охид эмэгтэйчүүдийг доромжилж буй хэлбэр хэмээн иргэд цахим орчинд бухимдлаа илэрхийлэн түүнийг шүүгч байх эрхгүй хэмээн үзэж буй юм.
Сэтгэгдэл (1)