СБД-ийн 1 дүгээр хороо, Д.Сүхбаатарын талбайд 9-р сарын 19, 20, 21-нд "Номын баяр" арга хэмжээ болсон. Уг арга хэмжээнд оролцсон "Динза Цондоолойгийн анд найзууд" НҮТББ нь тухайн үед ашиглаж байсан байгууламжаа хураалгүй өнөөдрийг хүрээд байна. Тиймээс нийслэлийн Газар зохион байгуулалтын албанаас төв талбайд барьсан байгууламжаа энэ сарын 2-ны дотор буулгах мэдэгдлийг хүргүүллээ.
Тодруулбал, тус арга хэмжээний үеэр баригдсан "Динза Цондоолойгийн анд найзууд" НҮТББ-ийн байгууламж нь Газрын тухай хуулийн 27 дугаар зүйлийн 27.4 /Хүчин төгөлдөр эрхийн гэрчилгээгүй аливаа этгээд газар эзэмшихийг хориглоно/ заалтыг зөрчиж байгаа юм. Заасан хугацаанд зөрчлөө арилгаагүй тохиолдолд албадан буулгаж, газрыг чөлөөлнө. Холбогдох зардлыг тус НҮТББ-аас гаргуулна.
