Боловсрол, шинжлэх ухааны яамны албан хаагч О.Сийлэгмааг Боловсролын зээлийн сангаас авсан зээлээсээ үндэслэлгүйгээр чөлөөлөгдсөн Б.Энхбаярын талаар мэдээлэл өгсөн үндэслэлээр ажлаас нь чөлөөлөх чиглэл өгсөн талаар өнөөдөр сэтгүүлчдэд мэдээлэл хийлээ. Тэрбээр ярихдаа,
“Үндэслэл нь юу вэ гэхэд Б.Энхбаяр гишүүний талаар өнгөрсөн дөрөвдэх өдөр сэтгүүлчийн асуултад хариулсан. Би бодит үнэн байдлыг, хуулийн хүрээнд мэдээлэл өгөх ёстой. Тэгээд ч гадаадад суралцсан иргэдийн мэдээлэл ил тод байдаг. Гэтэл Ерөнхий сайдаас өгсөн чиглэлийн дагуу та УИХ-ын гишүүн Б.Энхбаярын тухай яриа өгсөн байна ажлаа өг гэсэн” гэв.
Б.Энхбаяр 2018 онд авсан 32 мянган ам.долларын зээлээ "Гэрээний үүргээ биелүүлсэн" гэх үндэслэлээр чөлөөлүүлжээ. Гэтэл тэрбээр сургуулиа ч төгсөөгүй бөгөөд сургуулиа төгсөж ирээд ажиллах үүргээ биелүүлээгүй аж.
Мөн тэрбээр цааш ярихдаа "Ерөнхий сайд Г.Занданшатар төрийн албан хаагчийг ингэж дарамталж болохгүй байх. Би БЗС-ийн ажлын алба нэгжийг удирддаг удирдах албан тушаалтан учраас сэтгүүлчдийн асуултад бодит үнэн байдлыг мэдээлэх үүрэгтэй. Гэтэл Б.Энхбаяр сайдыг ярьсан байна О.Сийлэгмааг ажлаас нь чөлөөл гэж Ерөнхий сайд Г.Занданшатар П.Наранбаяр сайдад чиглэл өгсөн байна гээд мэдээллийн ил тод байдал, төрийн байгууллагын ажилтны хараат бус байдлыг алдагдуулж буй энэ явдалд шүүмжлэлтэй хандаж буйгаа илэрхийллээ.
Сэтгэгдэл (0)
Сэтгэгдэл бичигдээгүй байна