Шөнийн цагаар ганцаараа явж байсан эмэгтэйн толгойд уут углаж, дээрэмдсэн гэх дуудлага, мэдээлэл Цагдаагийн байгууллагад бүртгэгджээ.
Тодруулбал, иргэн “Д” энэ оны есдүгээр сарын 11-ээс 12-нд шилжих шөнө 01.00 цагийн орчим ажлаа тараад явж байх үед нь араас нь үл таних эрэгтэй толгойнд нь уут углаж биед нь халдаж, дээрэмджээ. Уг хэргийг цагдаагийн байгууллагаас шалгаж байгаа аж.
Улсын хэмжээнд энэ оны эхний наймдугаар сарын байдлаар 481 дээрэмдэх гэмт хэрэг бүртгэгджээ. Иймд иргэдийг сонор сэрэмжтэй байж, шөнийн цагаар ганцаараа явахгүй байх, өөрийн аюулгүй байдлыг хангахыг Цагдаагийн ерөнхий газраас анхаарууллаа.
