Нийгмийн сүлжээнд "Aqua” автомашин “Lamborghini” маркийн автомашиныг мөргөсөн зураг олны анхаарлыг татаж буй.
Дэлхийн хэмжээнд 36 ширхэг, Монголд ганцхан байдаг уг машиныг мөргөж 172 сая төгрөгийн хохирол учруулжээ гэх мэдээлэл цахим орчинд гараад байсан юм.
Уг осол наймдугаар сарын 16-ны өдөр Хан-Уул дүүргийн нутаг дэвсгэрт болсон бөгөөд тус дүүргийн замын цагдаагийн газар шалгаж байгаа юм.
“Lamborghini” машины хохирлын үнэлгээ 30 сая төгрөг болсон бөгөөд даатгалаас 5 сая төгрөг гаргаж өгсөн байна. Харин "Aqua” автомашины жолооч хувиасаа 10 сая төгрөгийг хохирлын төлбөрт шилжүүлсэн аж.
Харин үлдэгдэл 15 сая төгрөгийг барагдуулах боломжгүй байсан тул осол гаргасан жолоочид хоорондоо тохиролцож хэргийг шийдвэрлүүлжээ.
Өөрөөр хэлбэл “Lamborghini” маркийн автомашины жолооч үлдэгдэл төлбөрийг авалгүйгээр хэргийг шийдвэрлүүлсэн байна.
