Монголын санхүү, бизнесийн салбарт түүхэн үйл явдал тохиолоо. Инвескор Санхүүгийн Групп нь Лондоны Хөрөнгийн Биржид бүртгэлтэй анхны Монгол санхүүгийн компани болж, олон улсын зах зээлд шинэ алхам хийлээ.
Инвескор групп компани 2016 онд байгуулагдсанаасаа хойш шинэлэг бүтээгдэхүүн, дэвшилтэт технологи, шилдэг засаглалыг нэвтрүүлэн, 8 улсад 14 салбар компанитай өргөжин ажиллаж байна.
Лондоны Хөрөнгийн Бирж нь дэлхийн өндөр шалгуур, нарийн хяналттай тэргүүлэгч биржүүдийн нэг бөгөөд олон улсын хөрөнгө оруулагчдаас санхүүжилт татах томоохон боломжийг бүрдүүлдэг. Энэхүү үйл явдал нь Монголын санхүүгийн салбарт шинэ боломжуудыг нээж, олон улсын зах зээлд Монгол компаниудын өрсөлдөх чадварыг нэмэгдүүлэхэд чухал хувь нэмэр оруулна гэдэгт бид итгэлтэй байна хэмээв.
