Монголын улаан загалмай нийгэмлэгээс Монголын яаралтай тусламжийн нийгэмлэгийн хамтын ажиллагаа, Япон Улсын Улаан загалмай нийгэмлэгийн дэмжлэгтэй хамтран зохион байгуулж байгаа “Анхны тусламж үзүүлэгч, сургагч багш бэлтгэх үндэсний сургалт” 2024 оны 10 дугаар сарын 6 наас 10-ны өдрүүдэд МУЗН-ийн Хүүхэд залуучуудын хөгжлийн төвд зохион байгуулагдаж байна.
Сургалтад Зам тээврийн яам, Боловсрол, шинжлэх ухааны яам, Зэвсэгт хүчин, Онцгой байдал, Хил хамгаалах байгууллагын ажилтан, албан хаагчид, Монголын улаан загалмай нийгэмлэгийн Дунд шатны хорооны арга зүйч нийт 60 оролцогч хамрагдаж байна.
Сургалтыг АНУ-ын Элчин сайдын яамны дэргэдэх Иргэн-цэргийн харилцааны алба, Австрали, Их Британи, Канад Улсын яаралтай тусламжийн мэргэжилтнүүдийн хамтарсан “Global EMS” байгууллага болон Монголын яаралтай тусламжийн нийгэмлэг, Монголын улаан загалмай нийгэмлэгийн 10 сургагч багш хамтран чиглүүлж байна.
Сургалтад хамрагдсан оролцогчид сургагч багшаар бэлтгэгдэн цаашид олон нийтэд зориулсан анхны тусламжийн сургалтыг зохион байгуулах юм.
