Олон улсын ахмад настны өдрийг тохиолдуулан Геронтологийн үндэсний төвийн шинэ байрны нээлт боллоо.
Шинэ байр ашиглалтад орсноор ахмад настанд үзүүлэх эмчилгээ, сэргээн засах тусламж, сургалт, судалгааг өргөжүүлэх, урт хугацааны болон танин мэдэхүйн сэргээн засах тусламжийг хөгжүүлэх боломж бүрдэж байна.
Эрүүл мэндийн сайд Э.Батшугар: Ахмад настны эрүүл мэндийг хамгаална гэдэг нь зөвхөн өвчнийг эмчлэх бус, өдөр тутмын амьдралдаа бие дааж, гэр бүл, нийгэмдээ идэвхтэй оролцох боломжийг нь дэмжих хэрэгтэй .
Цаашид сэтгэл засал, хөдөлмөр засал, дижитал ур чадварын лаборатори зэрэг шинэ үйлчилгээг хөгжүүлж, геронтологи, гериатрийн чиглэлийн мэргэшсэн хүний нөөцийг нэмэгдүүлнэ.
Ахмадууд маань хаана амьдарч байгаагаас үл хамааран чанартай тусламж үйлчилгээ авч, эрүүл, идэвхтэй, бие даасан амьдрах боломжтой байх нь бидний зорилго юм гэв.
