2026 оны 9 дүгээр сарын 29-ний өдрийн байдлаар улсын хэмжээнд зорилтот бүлгийн 301,578 хүн улирлын томуугийн эсрэг вакцинд хамрагдаад байна. Ингэснээр томуугийн эсрэг вакцинжуулалтын хамралт улсын хэмжээнд 60.0 хувьд хүрлээ.
Улаанбаатар хотын хэмжээнд вакцинжуулалтын хамралт 65.0 хувь, орон нутагт 53.7 хувьтай байна.
Нийслэлийн дүүргүүдээс:
* Сонгинохайрхан дүүрэг – 74.7 хувь
* Хан-Уул дүүрэг – 72.5 хувь
* Баянгол дүүрэг – 71.9 хувь
хамралтаараа тэргүүлж байна.
Харин аймгуудаас:
* Дорнод аймаг – 65.0 хувь
* Ховд аймаг – 63.6 хувь
* Увс аймаг – 63.1 хувь
хамгийн өндөр хамралттай байна.
Бага насны хүүхдийн вакцинжуулалтын хамралтыг нэмэгдүүлэхэд онцгой анхаарч ажиллаж байгаа бөгөөд насны бүлгээр авч үзвэл:
* 6 сар–1 нас – 58.6 хувь
* 1–2 нас – 36.0 хувь
* 3–6 нас – 81.5 хувь байна.
Томуугийн вирусийн идэвхжил нэмэгдэхээс өмнө хүүхэд болон гэр бүлийн гишүүдээ улирлын томуугийн эсрэг вакцинд хамруулах нь халдвараас сэргийлэх, өвчлөлийн хүндрэлээс хамгаалахад чухал ач холбогдолтой.
Дархлаажуулалтын хамралтыг нэмэгдүүлэх чиглэлээр идэвх санаачилгатай ажиллаж буй аймаг, дүүргийн эрүүл мэндийн байгууллага, эмч, сувилагч, эцэг эх, асран хамгаалагчид болон иргэддээ талархал илэрхийлье.
