УИХ-ын гишүүн, ХЗДХ-ийн сайд С.Амарсайхан БНСУ-ын олон улсын хамтын ажиллагааны байгууллага КОЙКА-гийн Суурин төлөөлөгч Жо Хэн-Лан болон КОЙКА-гийн дэд суурин төлөөлөгч Жон Ин Ён нарыг хүлээж авч уулзлаа. Тус байгууллага Налайхын хаагдсан уурхайн 10 га газрыг нөхөн сэргээх, тохижуулах төсөл хэрэгжүүлж байна.
Гүний уурхайн эвдэрсэн газрыг нөхөн сэргээж жишиг болохуйц энэхүү төсөл нь Монгол Улсад анх удаа хэрэгжиж байгаа бөгөөд төслийн судалгааны ажил эхэлсэн, зураг төслийн ажлыг гүйцэтгэх компанийн тендер шалгаруулахаар бэлтгэж байгааг БНСУ-ын олон улсын хамтын ажиллагааны байгууллага КОЙКА-гийн Суурин төлөөлөгч Жо Хэн-Лан танилцууллаа.
Төсөл гурван үе шаттай хэрэгжинэ.
* Уурхайн нөхөн сэргээсэн газарт цэцэрлэгт хүрээлэн байгуулна
* Тэрбум мод үндэсний хөдөлгөөнийг дэмжиж мод үржүүлгийн цэг байгуулна
* Солонгос улсын уул уурхайн нөхөн сэргээлтийн туршлагыг нутагшуулж, хариуцан ажиллах мэргэжилтнүүдийг бэлтгэх зэрэг олон талын ач холбогдолтой төсөл юм.
Мөн өнөөдрийн уулзалтаар БНСУ-ын олон улсын хамтын ажиллагааны байгууллага КОЙКА-тай хамтран Монгол улсад “Нийтийн хэв журам, аюулгүй байдлын чадавхыг бэхжүүлэх” чиглэлээр төсөл хэрэгжүүлж, иргэдэд хууль, эрх зүйн мэдлэг олгох, хоёр улсын хууль зүй, дотоод хэргийн салбарын хамтын ажиллагааг эрчимжүүлж, туршлага солилцох, боловсон хүчнийг бэлтгэх талаар харилцан санал солилцлоо
Сэтгэгдэл (0)
Сэтгэгдэл бичигдээгүй байна