ААН, байгууллагын нийт 764 мянга 568 ажилтан эрүүл мэндийн даатгалд хамрагдаж, 24.2 тэрбум төгрөгийн шимтгэл Эрүүл мэндийн даатгалын санд төвлөрчээ. Өнгөрсөн сард аж ахуйн нэгж, байгууллагын ажилтнууд эрүүл мэндийн даатгалаар дамжуулан нийт 201 мянга 392 тохиолдлоор 12 төрлийн эрүүл мэндийн тусламж, үйлчилгээ авчээ. Эдгээр тусламж, үйлчилгээнд зарцуулсан 21.4 тэрбум төгрөгийн зардлыг Эрүүл мэндийн даатгалын сангаас санхүүжүүлсэн байна.
Өөрөөр хэлбэл, ажилтан, албан хаагчдын эрүүл мэндийн даатгалд төлсөн шимтгэл нь даатгуулагч иргэдийн эрүүл мэндийн тусламж, үйлчилгээний зардлыг санхүүжүүлэхэд зарцуулагдаж байна.
Эрүүл мэндийн даатгалын сангийн санхүүжилтээр даатгуулагч иргэд эмнэлгийн тусламж, үйлчилгээ авах боломж бүрдэж, эрүүл мэндтэй холбоотой зардлын тодорхой хэсгийг даатгалын тогтолцоогоор дамжуулан хөнгөлөх нөхцөлтэй байдаг.
