УИХ-ын гишүүн П.Сайнзориг нарын 50 гаруй гишүүн Ерөнхий сайд Г.Занданшатарыг огцруулах саналыг УИХ-ын өргөн мэдүүлсэн. Ерөнхий сайдыг огцруулах саналыг УИХ 3 хоногийн дараа хэлэлцэж, 10 хоногийн дотор шийдвэрлэнэ гэж Үндсэн хуульд заасан. Хуулинд заасан хугацаанд өнөөдөр уг асуудлыг УИХ-аар хэлэлцэхээр төлөвлөж байна. Эхлээд 14 цагаас Төрийн байгуулалтын байнгын хороо хуралдаж, Ерөнхий сайдыг огцруулах саналыг хэлэлцэх бол чуулганы нэгдсэн хуралдааныг 16 цагт товложээ.
Төрийн байгуулалтын байнгын хороо нь 32 гишүүнтэй. Тэдгээрээс 17 нь эрх баригч МАН-ын гишүүд. Харин АН-аас 11, ХҮН нам хоёр, ИЗНН болон Үндэсний эвслийн тус бүр нэг гишүүн тус байнгын хороонд харъяалагддаг байна.
