УИХ дахь АН-ынхан МАН доторх зодооныг ашиглан парламентад ч тогтворгүй байдал үүсгэлээ. Г.Занданшатарын Засгийн газрыг унагахыг ч, Д.Амарбаясгаланг УИХ-ын даргаас огцруулахыг ч дэмжиж гарын үсэг зурсан. Энэ нь МАН доторх талуудын харьцаанд нөлөөлөх нь тодорхой болов.
Сөрөг хүчний тоглолт хийж байна хэмээн тэд бардам байгаа. Гэвч энэ нь эргээд төр засгийг эзэнгүйдүүлж, тогтворгүй байдалд оруулах эхлэл болж байна.
Өрнөж буй улс төрөөс ажиглахад нэг л зүйл хамгийн ойлгомжтой байна.
АН-ынхан Д.Амарбаясгаланг МАН-ын даргаар сонгогдсонд анхнаасаа л айж болгоомжилж байцгаасан. Өөрсдөөс нь үл хамаарсан МАН-ын сонголтод Г.Занданшатарын чаргууцалдаан шалтаг болж Д.Амарбаясгаланг хамтад нь унагах тактик руу сүүлийн хэд хоногт АН-ынхан шилжээд байгаа билээ.
Ингэснээр МАН цаашид эрх баригч атлаа УИХ, Засгийн газраа ч хамгаалж үлдэх чадамжгүй болох эрсдэлд орлоо.
Өнөөдөр намын дарга-УИХ-ын даргаа хамгаалж чадахгүй огцруулбал цаашид эрх баригч нам гэж хэлэхээсээ ч ичих ёстой. Ер нь бол Д.Амарбаясгалан АН-ынханд бол жинхэнэ утгаараа айдас хүйдэс нь.
Ялангуяа 2027 оноос жил дараалан болох Ерөнхийлөгчийн, УИХ-ын сонгуульд МАН-ыг Д.Амарбаясгалангүйгээр оруулах нь АН-ынханд хамгийн ашигтай хувилбар юм.
Тиймдээ ч доторх зодооноо АН-ынханд хоол болгон өгч буй МАН-ынхан ялангуяа УИХ дахь МАН-ын гишүүд УИХ-ын даргыг огцруулах кноп дарах нь ирэх сонгуулиудын ялагдлаа хүлээж буйтай адил болж байна.
Сэтгэгдэл (5)