Цахим спортын "Counter Strike 2" тоглоомын Дэлхийн Аварга Шалгаруулах Тэмцээн (ДАШТ) буюу "BLAST.tv Austin Major 2025" ирэх зургаадугаар сарын 02-22-нд АНУ-д зохион байгуулагдана.
Тус тэмцээний эхний шатанд Ази тивээс дөрвөн баг оролцоно. Үүний нэг багийг тодруулах урьдчилсан шатны сүүлийн тоглолтууд болж, манай улсын "Chinggis Warriors" баг дэлхийн аваргад оролцох эрх авлаа.
Ингэснээр Монгол Улсаас анх удаа хоёр баг дэлхийн аваргад оролцохоор болж байна. "The MongolZ" багийн хувьд тус тэмцээнийг гурав дахь шатнаас эхлүүлэх урилга авсан билээ.
1.2 сая ам.долларын шагналын сантай "BLAST.tv Austin Major 2025" тэмцээнд нийт 32 баг гурван шатанд хуваагдаж, тойргийн журмаар өрсөлдөнө
