Монгол Улсын Бүсчилсэн хөгжлийн үзэл баримтлал, Засгийн газрын 2024-2028 оны үйл ажиллагааны хөтөлбөр, бүс орон нутгийн бие даасан байдлыг бэхжүүлэх зорилгын хүрээнд “Хангайн бүсийн зөвлөл”-ийн анхдугаар хуралдаан болж байна.
Хуралдаанд Архангай, Баянхонгор, Өвөрхангай аймгийн төр, хувийн хэвшил, иргэний нийгмийн байгууллагын төлөөлөл болон бүсээс сонгогдсон УИХ-ын гишүүд, Монгол Улсын Засгийн газрын гишүүд оролцож, Хангайн бүсийн хөгжлийн гарц шийдлийг хэлэлцэх юм.
Хангайн бүсийн хувьд дэлхий дахинд Монголын түүх, төрт ёс, соёлын өвийг түгээн дэлгэрүүлж, дэлхийн нүүдэлчдийн соёлын голомт нутаг, соёлын бүтээлч үйлдвэрлэлд тулгуурлан “Уламжлалт мал аж ахуйн төрөлжсөн бүс бөгөөд хот байгуулалтын дэд бүс” болох юм.
ХАНГАЙН БҮСЭД ХЭРЭГЖҮҮЛЭХЭЭР ТӨЛӨВЛӨЖ БУЙ ТӨСЛҮҮД:
Хархорум хотыг “Түүх соёлын аялал жуулчлалын хот” болгон хөгжүүлэх
0 байрлалд “Зам дагуух үйлчилгээний цогцолбор
ХАНГАЙН БҮСЭД ХӨГЖҮҮЛЭХ АЯЛАЛ ЖУУЛЧЛАЛЫН 10 ОРОН ЗАЙ:
Чулуут голын сав дагуух: Байгальд түшиглэсэн адал явдалт болон эко аялал жуулчлалын бүс
Хорго, Тэрхийн цагаан нуур орчим: Байгальд түшиглэсэн эко аялал, НИТАЖ-ын бүс
Заг-Байдраг, Хүрэн бэлчир орчим: Түүх археологи, нүүдлийн соёлын аялал жуулчлалын бүс
Шатар чулуу, Шаргалжуут орчим: Рашаан сувилал, түүх, соёлын аялал жуулчлалын бүс
Нууруудын хөндий, Их богд орчим: Байгальд түшиглэсэн адал явдалт болон эко аялал жуулчлалын бүс
Хануй голын сав дагуух: Түүх, археологи, соёлын болон НИТАЖ-ын бүс
Булган уул, Хойд тамирын гол: Байгальд түшиглэсэн эко аялал, НИТАЖ-ын бүс
Орхоны хөндий, Өгий нуур орчим: Нүүдэлчдийн түүх, соёл, өвийн аялал жуулчлалын бүс
Орхоны дээд хөндий орчим: Түүх, археологи, нүүдлийн соёлын аялал жуулчлалын бүс
Онгийн гол, Найман нуур орчим: Байгальд түшиглэсэн адал явдалт болон эко аялал жуулчлалын бүс
