Ховд аймгийн Манхан сумын Баянгол багийн “Жаргалант” хайрхны “Яргайтын-Ам" гэдэг газар /аймгийн төвөөс зүүн урд зүгт 130 км-т, сумын төвөөс зүүн зүгт 50 км-т/ "Жаргалант" ууланд 1 хүн сураггүй болжээ.
Энэ тухай дуудлагыг 01.21-ний өдрийн 14:20 цагт хүлээн авч тус аймгийн Онцгой байдлын газрын Манхан сум дахь бүлгийн алба хаагчид очиж Ховд аймгийн Жаргалант сумын харьяат иргэн С /49 настай, эрэгтэй/-ийг эрэн хайх ажиллагааг зохион байгуулжээ. Тухайн өдрийн 17:25 цагт тус уулын “Өмнөд-Улиас” гэдэг газраас цогцсыг олж Цагдаагийн байгууллагад шилжүүлэн өгснийг ОБЕГ-аас мэдээллээ
