Хотын дарга асан Х.Нямбаатар өөрийн цахим хуудастаа ийн бичжээ. Тэрээр,
"Айхтар нэвтрүүлэг хийжээ. Продюсер нь МУ-ын ЕС Н.Учрал. Найруулагч нь түүний зөвлөх Erennews Саруул. Гол дүрд 1 луйварчин. Хөтлөгч нь Учралын уяаны нохой. Хатанбаатар гэгч этгээд зохиолын дагуу энхийн цагаа тагтаа болж, матрын нулимс унагаж сууна.
Есөн шид нь бүрдсэн энэ луйварчин өвгөн насаараа монголчуудын элэг эмчлээд МУ-ыг элэгний хорт хавдраар дэлхийд нэгт бичүүлэв. Насаараа Допингийн хор найруулж МУ-ыг олимпын наадмаас хасуулах эрсдэлд оруулж байв. Насаараа удирдсан SOS childrens village гэх олон улсын байгууллага нь хүүхдийн бэлгийн хүчирхийлэл, хүний наймаа, мөнгө угаах гэмт хэргээр шалгагдан тогтоогдож олон улсад үйл ажиллагаагаа зогсоолгов.
Бүх луйвар булай нь түүний нэр дээр биш гэдгээ хэлсэн гэнэ. Мэдээж хэрэг. Насаараа улсаас 30 тэрбумын татаас авч ах дүү хамаатан садандаа тарааж өгсөн хэрэг бол энүүхэнд, Олимпын хороо, Допингийн холбоо, Олон улсын хүүхдийн байгууллагаас буюу дэлхийгээс санхүүжилт авч амьдардаг паразит өвгөнтэй яриад байх юм надад байхгүй. Дээрх асуудлуудыг холбогдох салбарынхан нь бүгд мэднэ дээ.
Менежментийн хувьчлал нэрээр нийслэлийн өмчид эзэн сууж, улсаас татаас авч татвар түрээс 1 төгрөг ч төлдөггүй байсан, хууль бус эмийн үйлдвэрлэл эрхэлдэг байсан гээд бүх бузар булайг нь дэлгэж өгч болно.
Учрал хүү урдах ажлаа хийж гавихгүй юм, харин намайг намнах ажилдаа гарамгай юм. Махны үнэ юу болсон бэ? Бензин түлш, Агаарын бохирдол, Түгжрэл гээд ард түмний нуруун дээр байгаа хүнд ачааг бага ч болов хөнгөлөх шийдлүүд энэ хүүд алга. Саяхан даа, би хулгайч хурандаа нарыг танихгүй гэж байсан. Хуурай аав нь лав хурандаа байх. Харин хулгайч нартай нийлж тархи угаалт хийж байгаа нь бас харагдав" гэжээ.
