УИХ-ын өнөөдрийн чуулганы нэгдсэн хуралдаанаар Санхүүгийн зохицуулах хорооны даргаар Т.Жамбаажанцанг томилсон. Энэ үеэр УИХ-ын дарга Д.Амарбаясгалан: Д.Пүрэвдаваа гишүүний асуултад нэр дэвшүүлсэн хүний хувьд би хариулъя.Т.Жамбаажамцыг нэр дэвшүүлсэн шалтгаан бол салбартаа олон жил ажиллаж туршлагажсан албан хаагч учраас нэр дэвшүүлсэн. Миний хувьд өөртэй нь уулзаж санал сонсоогүй. Энэ салбар өөрөө шинэ тутам хөгжиж байгаа учраас эхнээсээ хууль эрх зүйн орчныг нь чамбайруулж, сайжруулах шаардлага байгаа учраас гаднаас шинэ хүн томилж туршлагажих хугацаа алдахгүйгээр эрх зүйн орчны томоохон өөрчлөлт шинэчлэлийг хийх зорилгоор энэ хүнийг нэр дэвшүүлсэн. Өнөөдөр УИХ-аар томилогдвол УИХ-ын даргын хувьд хүлээж авч уулзаад үндсэн чиглэл өгнө гэж бодож байгаа. ББСБ-ын эрх зүйн зохицуулалт сул байгаа. Арилжааны банкнуудаас хэт өндөр хүүгээр мөнгө хүүлж байгаа тогтолцог халах асуудал байна хэмээн хэлсэн.
