Монгол Улсын Засгийн газар Дорноговь аймгийн Улаанбадрах сумын нутагт хэрэгжих Монгол-Францын хамтарсан "Зөөвч-Овоо" төслийн Хөрөнгө оруулалтын гэрээг “Бадрах Энержи” ХХК-ийн хөрөнгө оруулагч Бүгд Найрамдах Франц улсад бүртгэлтэй “Орано Майнинг” компанитай энэ сарын 17-ны өдөр байгуулах гэж байгаа.
Үүнийг эсэргүүцэж маргааш /2025.01.16/ “Эвийн хүч эх нутгийн төлөө” ТТБ, “Аюулгүй байдлын төлөө ээжүүдийн холбоо” ТТБ ба иргэд, байгууллагын төлөөлөгчид мэдээлэл хийнэ.
БАРИМТЫГ ФОКУСЛАВАЛ:
"Бадрах Энержи" ХХК нь Дорноговь аймгийн нутаг дахь Зөөвч-Овоо, Дулаан-Уул, Өмнөт ураны ордыг хамарсан ашиглалтын гурван тусгай зөвшөөрөл эзэмшдэг. Зөөвч-Овоо (93,291 т), Дулаан-Уул (6 260 т) ураны ордын нөөц нь Монгол Улсын ураны бүртгэгдсэн нөөцийн 50 гаруй хувийг эзэлдэг юм байна.
Өмнө нь "Арева" хэмээх нэртэйгээр үйл ажиллагаа явуулж байгаад нэрээ "Бадрах энержи" болгон өөрчилсөн тус компанийн үйл ажиллагаа, уранаас болж мал нь үсгүй, нэг нүдтэй, олон хөлтэй, амьгүй зэргээр гаж төрж буйг нутгийн иргэд 2020 оноос хойш эсэргүүцэж буй юм.
