Ерөнхийлөгчийг бухимдуулж, УОК-ыг яаралтай хуралдуулж SOS зарлаад буй “Тавантолгой түлш” ХХК-ийн удирдлага одоогоор тодорхойгүй байна. Энэ сарын нэгнээс “Тавантолгой түлш”-ийн менежмент нийслэлд шилжсэн. . Нийслэлийн Засаг дарга Х.Нямбаатар энэ компанийн толгойг илэхгүй бүтцийн өөрчлөлт хийхээ мэдэгдсэн. Харин Монгол Улсын Ерөнхийлөгч У.Хүрэлсүх өчигдөр хорт утаа үйлдвэрлэж байгаа энэ компанийг хайр найргүй шалгахыг цагдаа, тагнуулынханд чиглэл болголоо.
Энэ компанийн хувьд өмнө нь МАН-ын “эсэргүү” гэх М.Ганбаатар, Эрдэнэт үйлдвэрийн Ерөнхий захирал асан С. Даваацэрэн АТГ-т шалгагдаж байхдаа "Тавантолгой түлш" ХХК-ийн захирлаар томилогдон удирдаж байгаад тэтгэвэртээ гарсан. С.Даваацэрэн захирлын үед энэ компанийн үйлдвэрлэж буй түлшний чанар илт муудсан бөгөөд ялгаруулж байгаа утаанаас нь эвгүй үнэр үнэртэж, хүмүүсийн толгой өвдөх зэрэг хордлогын шинж илэрч буй талаар цахим хуудастаа иргэд олноор гомдоллож шүүмжлэх болсон юм.
"ТАВАНТОЛГОЙ ТҮЛШ" ХХК-ИЙГ ОДОО "ТҮР" УДИРДАЖ БАЙГАА Ц.ЛХАГВАСҮРЭН ГЭЖ ХЭН БЭ?
Тус компанид Худалдан авалт, тээвэр зохицуулалтын газрын даргаар ажиллаж байсан Ц. Лхагвасүрэнг гүйцэтгэх захирлыг түр орлон гүйцэтгэгчээр ажиллуулж байна. Энэ хүний хувьд 1994 онд Хэнтий аймгийх Бэрхийн уулын үйлдвэрт засварчнаар ажлын гарааг эхэлж, 2000-2008 оны турш найман жил Бэрх тосгоны захирагчаар ажилласан байна. Харин 2008-2012 онд Хэнтий аймгийн ИТХ-ыг даргын албыг хашжээ.
Харин одоо менежмэнт нь нийслэлд хотын дарга Х.Нямбаатарын мэдэлд шилжсэн энэ компанийг Ц.Лхагвасүрэн үргэлжлүүлэн удирдах эсэх нь тодорхойгүй юм. Магадгүй эх сурвалжийн хэлснээр Ерөнхий сайдтай ойр энэ хүнийг Х.Нямбаатар өөрчилж солихгүй байх магадлалтай бөгөөд жинхэлсэн тохиолдолд сайжруулсан түлшний чанарыг өөрчилж чадахгүй мэргэжлийн бус хүн мэргэжилтнүүд үзэж байна.
