"Халтар" төгрөг цуглуулсан ченжүүдээс айхгүй гэж хэд хоногийн өмнө мэдэгдэж автомашины наймаачдыг дуэльд дуудсан Нийслэлийн Засаг дарга Х.Нямбаатарын мэдэгдэлд Эко авто машин импортлогчдын холбоо, Авто худалдаа, машины бизнес эрхлэгчдийн холбооныхон өнөөдөр хариу мэдэгдэл хийлээ.
Тэд "Хотын дарга өнгөрсөн долоо хоногт автомашины бизнес эрхлэгчдийг гутаан доромжилж, болчимгүй мэдэгдэл хийлээ. Сонгууль дуусаад маргааш нь та нар "май шүү" гээд байгаа юм уу. Нийслэл Улаанбаатар хотын захирагч бөгөөд хотын дарга, өмнө нь Хууль зүйн сайдаар ажиллаж байсан хүн иргэдээ ийм бүдүүлэг үг хэллэгээр доромжилсонд харамсаж байна. Бид Х.Нямбаатарыг огцруулах гэж акц зохион байгуулаагүй. Харин албан ёсны шаардлага тавьж, шийдүүлэхийг оролдож байсан шүү. Х.Нямбаатарыг ард иргэдээ ажил мэргэжил, нийгмийн байдлаар нь ялгаварлан гадуурхаж, доромжилсон тус үйлдэлдээ уучлал гуйхыг шаардаж байна. Хэрэв үгүй гэвэл дээд шатны удирдлага, хууль шүүхийн байгууллагад хандана гэдгийг онцолмоор байна гэв.
Тэд Хууль зүй дотоод хэргийн яам, НЗДТГ-ын шийдвэр гаргах эрх бүхий хүмүүст дараах гурван шаардлагыг дахин тавьж байгаа аж.
