“Чингис хаан” тэргүүн зэргийн одонг хүртэж байсан эрхмүүд

Өнөөдөр арваннэгдүгээр сарын 2-ны өдөр Их эзэн Чингис хааны төрсөн өдөр тохиож байна. Энэ өдрийг “Монгол бахархлын өдөр” болгон тэмдэглэж, бүх нийтийн амралтын өдөр болгох зарлигийг Монгол Улсын Ерөнхийлөгч 2012 онд гаргасан.

Монгол Улсын Ерөнхийлөгч У.Хүрэлсүх зарлиг гарган, төрийн дээд шагнал, тэргүүн зэргийн “Чингис хаан” одонг БНСУ-ын иргэн, НҮБ-ын найм дахь Ерөнхий нарийн бичгийн дарга Бан Ги Мүнд хүртээхээр болсон ба тэрбээр өчигдөр Монголд хүрэлцэн ирсэн юм. 

Бан Ги Мүн нь АНУ-ын эрдэмтэн Жак Уэтерфордын дараа “Чингис хаан” тэргүүн зэргийн одон хүртэж байгаа хоёр дахь гадаад хүн болж байна. 

“Чингис хаан” тэргүүн зэргийн одон хүртэж байсан эрхмүүд 

1. 2005 он: Монгол Улсын анхны Ерөнхийлөгч П.Очирбат  
2. 2006 он: Төрийн шагналт, Урлагийн гавьяат зүтгэлтэн, хөгжмийн зохиолч Б.Шарав  
3. 2009 он: Монгол Улсын Ерөнхий сайд асан Д.Бямбасүрэн  
4. 2010 он: Төр, нийгмийн зүтгэлтэн, Шинжлэх ухааны гавьяат ажилтан Р.Гончигдорж  
5. 2011 он: Монгол Улсын Ерөнхийлөгч асан Н.Багабанди  
6. 2012 он: УИХ-ын дарга асан, гавьяат эдийн засагч Д.Дэмбэрэл  
7. 2013 он: Монгол Улсын Ерөнхий сайд асан Д.Содном  
8. 2014 он: Нэрт эрдэмтэн, физикч, академич Х.Намсрай  
9. 2015 он: Монгол Улсын Соёлын гавьяат зүтгэлтэн, зохиолч, яруу найрагч Г.Мэнд-Ооёо  
10. 2016 он: Монгол Улсын Гавьяат жүжигчин, дуурийн дуулаач Г.Ариунбаатар  
11. 2017 он: Монгол Улсын Гавьяат тамирчин, Хөдөлмөрийн баатар, Олимпын аварга Н.Түвшинбаяр  
12. 2019 он: “Хүннү рок” урсгалаар уран бүтээл туурвидаг "The Hu" хамтлаг  
13. 2021 он: Сансрын нисгэгч, хошууч генерал Ж.Гүррагчаа  
14. 2021 он: Монгол Улсын Зэвсэгт хүчин  
15. 2022 он: Шинжлэх ухааны гавьяат зүтгэлтэн, академич, доктор, профессор Д.Доржготов, АНУ-ын эрдэмтэн, доктор, профессор Жак Уэтерфорд  
16. 2023 он: Монгол Улсын филармонийн "Морин хуурын чуулга".