БАРИМТЫГ ФОКУСЛАНА.

ӨВӨЛ-ХАВРЫН БЭЛЧЭЭРИЙН ДААЦ НИЙТ НУТГИЙН 70 ОРЧИМ ХУВЬД ХҮРЭЛЦЭЭТЭЙ БАЙНА

Т. Санчирмаа
2024/10/17

Цаг уур орчны шинжилгээний газраас Засгийн газрын 286 дугаар тогтоолын дагуу Ус цаг уур, орчны судалгаа, мэдээллийн хүрээлэнд 2024-2025 оны өвөл, хаврын бэлчээрийн даацыг баг бүрийн бэлчээрийн ургац, малын тоо, бэлчээрийн талбайн хэмжээ болон бэлчээр ашиглах хугацаа зэрэг мэдээлэлд үндэслэн багийн нутгаар тооцоолон гаргасан байна.

Зуншлагын байдал өнгөрсөн наймдугаар сарын 20-ны байдлаар нийт нутгийн 70 гаруй хувьд сайн, 20 гаруй хувьд дунд зэрэг, цөөн сумдын нутгаар муу гэж үнэлэгдсэн.
Бэлчээрийн даацыг тооцоолж гаргасан дүнгээс үзвэл нийт нутгийн:
47% - Бэлчээрийн нөөцтэй
20% - Бэлчээр хүрэлцээтэй
21% - Даац 1-3 дахин хэтэрсэн
4% - Даац 3-5 дахин хэтэрсэн
8% - Даац олон дахин хэтэрсэн байна.

Өөрөөр хэлбэл өвөл-хаврын бэлчээрийн даац нутгийн 70 орчим хувьд хүрэлцээтэй байхаар, харин 30 гаруй хувьд хэтэрч гарлаа.

Аймгийн дүнгээр авч үзвэл Баян-Өлгий, Увс, Ховд, Говь-Алтай, Баянхонгор, Хөвсгөл, Архангай, Өвөрхангай аймгуудын зарим сум, багийн нутгаар даац хэтэрч гарсан. Бэлчээрийн даац олон дахин хэтэрч (улаан) гарсан сумдад Баян-Өлгийн Сагсай, Увсын Завхан, Ховдын Мөст, Мянгад, Буянт, Говь-Алтайн Алтай, Баянхонгорын Галуут, Баянговь, Баянлиг, Хөвсгөлийн Төмөрбулаг, Цагаан-Уул, Өвөрхангайн Нарийнтээл, Уянга, Гучин-Ус сумд хамрагдаж байна. Харин Баян-Өлгийн Ногооннуур, Цэнгэл, Баяннуур, Алтай, Увсын Зүүнхангай, Түргэн, Ховдын Чандмань, Манхан, Дөргөн, Говь-Алтайн Тайшир, Төгрөг, Цээл, Халиун, Есөнбулаг, Дэлгэр, Бигэр, Завханы Баянтэс, Баянхонгорын Баацагаан, Бөмбөгөр, Архангайн Цэцэрлэг, Ихтамир, Цэнхэр, Булган, Хөвсгөлийн Бүрэнтогтох, Галт, Тосонцэнгэл сумдын нутгаар 3-5 дахин хэтэрч (улбар шар) гарлаа. Мөн нутгийн 21 хувьд даац 1-3 дахин хэтэрч (шар) гарсан.

Бэлчээрийн даац нь тухайн газар нутгийн бэлчээрт бэлчээж болох эсвэл бэлчээрийн нөөцөөс хэтэрсэн малын тоог илтгэх бөгөөд энэ жилийн хувьд зуншлага харьцангуй сайн байсан бүс нутгаар бэлчээр хүрэлцээтэй, нөөцтэй байна.

Хүйтний улиралд цас их орох, өнгөн хэсэг нягтарч хатуурах, цагаан болон мөсөн зудын нөхцөл үүсэх тул бэлчээр хомсдоход хүрдэг. Иймд ирэх өвөл, хаврын бэлчээрийн даац хэтэрч гарсан аймаг, сумдын нутагт өвс хадлан, нэмэгдэл тэжээл олж нөөцлөх, отор нүүдэл хийх, малаа борлуулах, тоог бууруулах зэрэг арга хэмжээг эртнээс авч хэрэгжүүлж, өвөлжилт хаваржилтанд бэлтгэх шаардлагатай байна.

Эх сурвалж: Цаг уур, орчны шинжилгээний газар


0
angry
0
care
0
haha
0
liked
0
love
0
sad
0
wow

Шинэ мэдээ
Орон нутгийн жолооч 5000 төгрөгийн хураамжаас дараах тохиолдолд чөлөөлөгдөнө Өчигдөр
Тэрэлж-Налайх, Офицеруудын ордон чиглэлд өөрчлөлт орлоо Өчигдөр
Монголд жилд 0-19 насны 100-120 хүүхэд хорт хавдраар оношлуулж байна Өчигдөр
“ИЖИЙ ТАНДАА БАЯРЛАЛАА” Өчигдөр
Бодибилдингийн ААШТ-д оролцсон 4 тамирчнаас ДОПИНГ илэрчээ Өчигдөр
ОХУ-д болсон хүчтэй газар хөдлөлт Монголд мэдрэгджээ Өчигдөр
Б.Сэргэлэнбаатар Төв аймгийн МАН-ын хорооны даргаар сонгогдлоо 2025/02/14
Нохой хүн рүү дайрч, хурууг нь тас хазсан хэрэг гарчээ 2025/02/14
Б.Сарантуяа: Хайртай хүмүүсээ муухай үг, муухай бодлоос хамгаалцгаая 2025/02/14
Г.Занданшатар: Гэгээн Балин Тойны мэнд хүргэе 2025/02/14
“Далий сэтгэж Даам амьдар” группээр танилцаж, учирсан хосууд 2025/02/14
Интерполын шугамаар олон улсын хэмжээнд эрэн сурвалжлагдаж байсан “Б”-г Монгол Улсад албадан авчирлаа 2025/02/14
УИХ-ын дарга Д.Амарбаясгалан Увс аймгийн шүүх, хуулийн байгууллагын төлөөлөлтэй уулзаж, “Хоршоологчдын зөвлөгөөн”-д оролцлоо 2025/02/14
П.Сайнзориг: Баяр ёслол тааруулж иргэдэд Эрээнд үйлдвэрлэсэн халуун сав, аяга, торго дурдан тараахгүй байхыг уриалж байна 2025/02/14
Нутгийн зарим хэсгээр цас орно 2025/02/14
“Монгол” нүүдэлчин өвлийн фестиваль энэ сарын 16-нд эхэлнэ 2025/02/14
Хүүхдийн мөнгө, халамжийн тэтгэвэр, тэтгэмж олгох энэ сарын ХУВААРЬ 2025/02/14
ХӨСҮТ: Вирусын тархалт нэмэгдсэн нь хичээл эхэлсэнтэй холбоотой байна 2025/02/14
"Зээлийн эрх сэргээнэ, эрх нэмэгдүүлж өгнө" хэмээн залилах тохиодол нэмэгдэж байна 2025/02/14
T-ARA хамтлагийн Хё Мин ирэх дөрөвдүгээр сард хуримаа хийнэ 2025/02/14