БАРИМТЫГ ФОКУСЛАНА.

ҮНДЭСНИЙ ИХ СУРГУУЛИЙН ЗӨВШӨӨРӨЛГҮЙ БАРИЛГЫН АЖЛЫГ ЗОГСООХ ШААРДЛАГА ХҮРГҮҮЛЛЭЭ


Баянгол дүүргийн 11 дүгээр хороонд байрлах Монголын Үндэсний их сургууль нь үндсэн барилгынхаа зүүн талд зөвшөөрөлгүй дөрвөн давхар карказ босгон, ойр орчмын оршин суугчдын орц, гарцыг хаажээ. Уг зөрчлийг арилгуулахаар нийслэлийн Хяналт шалгалтын газраас барилгын ажлыг зогсоох шаардах хуудас хүргүүлж, холбогдох албаны хүмүүс тухайн байршилд ажиллалаа.

Энэ үеэр нийслэлийн Хяналт шалгалтын газрын дарга С.Энхбаяр “МҮИС холбогдох эрх бүхий байгууллагын зураг төсөл болон барилгын ажлын зөвшөөрөлгүйгээр үндсэн барилгынхаа хажууд өөр нэг барилга барьж байна. Тус барилгын ойр орчимд иргэд, ялангуяа тухайн сургуулийн оюутан, сурагчдын чөлөөтэй, аюулгүй зорчих боломжийг хангаагүй. Тиймээс нийслэлийн Хяналт шалгалтын газраас албан даалгавар өгч, торгуулийн арга хэмжээ авсан. Барилгын ажлыг зогсоох шаардлага хүргүүлсэн. Гэсэн хэдий ч үүргээ биелүүлэхгүй байгаа тул ажлыг албадан зогсоох шүүхийн шийдвэр хүртэл гарлаа. Өнөөдөр ч гэсэн барилгын ажил зогсоогүй, орчны аюулгүй байдлыг хангаж иргэдийг чөлөөтэй зорчих нөхцөлөөр хангаагүй, барилгын хог хаягдлуудыг замбараагүй хаясан зэрэг нь хэвээрээ байна. Мөн сургууль болон компанийн удирдлагуудыг дуудахад ирээгүй. Тиймээс байнгын хяналт тавьж зөрчлийг арилгахгүй бол иргэдийн аюулгүй байдал алдагдах өндөр эрсдэлтэй байна” гэдгийг хэллээ.
 

 
Монголын Үндэсний их сургууль болон түүний харьяа дунд сургуулийн ойр орчимд эвдэрч сэтэрсэн төмөр хашаа, нурах дөхсөн блокон хашаа, овоолсон хог хаягдлууд гээд замбараагүй байдал үүссэн. Дунд сургуулийн орох хаалганы шат стандартын дагуу хийгдээгүй өвөл хүүхдүүд хальтарч унаж болзошгүй нөхцөл байдлуудтай байгаа юм.
 

 НХШГ-ын Барилгын стандарт, аюулгүй байдлын хяналтын хэлтсийн ахлах мэргэжилтэн З.Ганбат “Иргэн Хонгорзулын захиалгатай номын сангийн барилга гэх уг зөвшөөрөлгүй барилга нь хот төлөвлөлтийн олон норм, дүрмийг зөрчсөн. Тухайлбал, барилга хоорондын зай, орц гарцыг хангаагүй, гал тусгаарлах зайгүй буюу галын шуурхай дуудлагын машин нэвтэрч орж ажиллагаа явуулах боломжгүйгээр зөвшөөрөлгүй барилга угсралтын ажил гүйцэтгэж, хууль хяналтын байгууллагаас тавьсан шаардлагыг биелүүлэхгүй байна. Аливаа аж ахуйн нэгж орчныхоо 50 метр газрын цэвэрлэгээ, үйлчилгээ, тохижилтыг хариуцахаар НИТХ-ын тогтоолоор журамласан байдаг. Монголын Үндэсний их сургуулийн хувьд энэ үүргээ удаа дараа биелүүлдэггүй” гэсэн юм.
 

 
Уг зөвшөөрөлгүй барилгын улмаас гурван айлын орц, гарц хаагдаж, иргэд чөлөөтэй нэвтрэх боломжгүй болсон. Тиймээс барилгын үйл ажиллагааг зогсоож, удирдлагууд нь улсын байцаагчийн албан даалгаврыг яаралтай биелүүлэхийг холбогдох албаны хүмүүс шаардлаа.
 

 

 


1
angry
0
care
0
haha
7
liked
0
love
1
sad
2
wow

Шинэ мэдээ
Шинэ орон сууцны үнэ өмнөх сараас хоёр хувиар буурчээ 3 цагийн өмнө
Жюү жицүгийн Азийн АШТ-ээс манай Улсын баг тамирчид 13 медаль хүртжээ 4 цагийн өмнө
МУГТ Э.Цэндбаатар “Хангарьд” одонгоор шагнууллаа 4 цагийн өмнө
Д.Амарбаясгалан: Төрийн үйлчилгээг иргэн төвтэй болгоход анхан, дунд шатны удирдлагуудын оролцоо, хандлага чухал 5 цагийн өмнө
Хуурамч 100 доллар солиулахыг завджээ 6 цагийн өмнө
Эрдэнэс Таван толгойн уурхайн ажилтан ажлаа хийж байхдаа амь эрсэджээ 6 цагийн өмнө
Ханын материалд 3.000 айлын орон сууцны төсөл эхлүүлнэ 6 цагийн өмнө
АНУ-ын зүүн хэсэгт шар усны үерийн улмаас 10 хүн амиа алджээ 7 цагийн өмнө
Фото сурвалжилга: "Амар байна уу 2025" үзэсгэлэн худалдаа үргэлжилж байна 7 цагийн өмнө
Маргааш 7 байршилд хууль зүйн зөвлөгөө үнэ төлбөргүй өгнө 8 цагийн өмнө
Улаанбурхан өвчний сэжигтэй тохиолдол бүртгэгджээ 8 цагийн өмнө
"УИХ-ын гишүүн Э.Болормаа сонгуулиар гаднын хөрөнгө оруулалттай, оффшор данстай компаниас хандив авсан" 9 цагийн өмнө
Нөөцийн махыг 446 хүнсний дэлгүүрээр худалдаалж байна 9 цагийн өмнө
Приус засварын гаднаас автомашин алдагджээ 10 цагийн өмнө
Сурагчдын бие даалтын долоо хоног дөрөвдүгээр сарын 1-нээс эхэлнэ 10 цагийн өмнө
Б.Бямбасайхан: Халиа тошин үүссэн байршлуудад шар усны үерийн эрсдэл нэмэгддэг 11 цагийн өмнө
10 аймгийн 30 сум цагаан зудтай байна 11 цагийн өмнө
“Эрдэнэс Тавантолгой”-н ТУЗ ногдол ашиг олгох, эсэхийг өнөөдөр шийднэ 11 цагийн өмнө
Маргааш НӨАТ-ын сугалааны азтанууд тодорно 11 цагийн өмнө
“Бурханы хүү“ Б.Баярбаатарын давж заалдах шатны шүүх хурал маргааш болно 11 цагийн өмнө