МАЛЧИД, ХАДЛАНЧИД, ТЭЭВЭРЧИД, ТАРИАЛАНЧДЫН АНХААРАЛД!
Цаг агаарын урьдчилсан мэдээгээр 10 дугаар сарын 15-нд баруун аймгуудын нутгаар, 16-нд төвийн аймгуудын нутгаар, 17-нд зүүн аймгуудын нутгаар нойтон цас, цас орж, цасан шуурга шуурна. Ихэнх нутгаар эрс хүйтэрч, зам, даваа, гүвээнд үзэгдэх орчин хязгаарлагдан, халтиргаа гулгаа үүсэхийг анхааруулж байна.
Мөн 10 дугаар сарын 15-ны өдөр Ховдын хойд, Увсын зүүн хэсгээр их хэмжээний цас орох төлөвтэй байна.
Иймд иргэд, малчид, тээвэрчид та бүхэн:
* Цаг агаарын мэдээ, сэрэмжлүүлгийг тогтмол авч байх;
* Хөдөө, орон нутагт зорчихдоо замын нөхцөл, цаг агаарын байдлыг сайтар тооцох;
* Тээврийн хэрэгслийн бүрэн бүтэн байдал, шатахуун, дулаан хувцас, хүнс, анхны тусламжийн хэрэгслээ бэлтгэх;
* Цасан шуурганы үеэр хол замд гарахгүй байх, малчид малаа ойр бэлчээж, бага насны хүүхдийг малд явуулахгүй байхыг ОНЦГОЙЛОН АНХААРУУЛЖ БАЙНА.
Бэлтгэлээ сайтар базааж, болзошгүй эрсдэлээс урьдчилан сэргийлж, өөрийн болон бусдын аюулгүй байдлыг хангана уу!
