Улсын заан Н.Жаргалбаяр: Надад бэлэглэх гэж иргэдээс цуглуулсан 30 сая төгрөгний учир олдвол нутгийнхаа сайн сайхан ажилд хандивлана
Одоогоос 9 жилийн өмнө улсын заан Н.Жаргалбаярт Сэлэнгэ аймгийн Мандал сумын удирдлагууд “орон сууц бэлэглэж байна” хэмээн мэдэгдэж, нутгийн төрийн албан хаагчид болон хувийн хэвшлүүдээс хандив цуглуулжээ. Энэ хандиваар 30 сая төгрөг цугласан гэх мэдээлэл байна.
Гэвч өнөөдрийг хүртэл Н.Жаргалбаяр ямар нэгэн хандив, орон сууц аваагүй ч “нутгийнхан нь түүнд орон сууц бэлэглэсэн” гэдэг мэдээлэл тархсан байдаг. Тэрээр энэхүү буруу ойлголтыг залруулж өгөхийг хүсч, орон нутгийн удирдлагуудад ханджээ.
Энэ талаар Н.Жаргалбаяраас тодруулахад “Надад байр машин өгсөн мэтээр нутгийн иргэдэд буруу ойлголт тараасанд харамсч байна. Хэрэв тэр 30 сая төгрөгийн учир олдвол нутгийнхаа сайн сайхны төлөө зориулна” гэлээ.
