Солонгос-Америк дуучин, реппер Jay Park-ийн үүсгэн байгуулсан More Vision энтертайнмент компанийн анхны эрэгтэй хамтлаг LNGSHOT.
Тэд 2026 оны нэгдүгээр сарын 13-нд Сөүл хотноо дебютээ хийж, анхны уран бүтээлээ олон нийтэд танилцуулсан билээ. Түүнээс хойш тэд тасралтгүй олны анхаарлыг татсаар байна. Хамтлаг нь Ohyul, Ryul, Woojin, Louis гэх дөрвөн гишүүнтэй.
Хамтлагийн гишүүдээс Louis хамгийн их анхаарал татдаг гишүүн юм.
Тэрээр хамтлагийн макнае /хамгийн бага/ гишүүн бөгөөд одоо ердөө 16 настай. K-pop boy group-ийн анхны Франц гишүүн гэдгээрээ түүхэнд бичигдэж байна. Түүнээс гадна түүний хоолойг фенүүд нь “Baby Justin Bieber” гэж хочилдог. Дуулахаас гадна дуу зохиож хөгжим дээр ч ажилладаг. Түүний аав Франц, ээж Солонгос хүн бөгөөд тэр Солонгост төрж өссөн. Солонгос-Франц хоёр улсын иргэншилтэй аж.
Солонгос, Франц, Англи, Испани хэлээр ярьдаг нь шинэ үеийн K-pop-ийн бэлгэдэл болж байна
J Park хамтлагийнхаа тухай тэд бол маш чөлөөтэй дуртай зүйлээ хийж, жинхэнэ байдлаараа хүмүүсийг татна гэж тодорхойлжээ.
Ийм нэгэн авьяас чадвар нь ундарсан хамтлаг өөрсдийн үүсгэн байгуулсан алдарт реппер J Park-ын хамт Монгол улсад ирэх гэж байна. Бид тэр болгон Солонгос явж алдартай хамтлагуудын тоглолтыг үзэж чадахгүй учраас дэргэд нь ирж байгаа дээр заавал үзээрэй. Нээрээ Тоглолт болохоос өмнө LNGSHOT хамтлагийн Saucin болон Moonwalkin дууг заавал сонсож үзээд сураарай. Танд таалагдах болно гэдэгт итгэлтэй байна.
