Эрүүгийн хуульд өөрчлөлт оруулах тухай хуулийн төслийг ХЗБХ өнөөдөр хэлэлцлээ. Эрүүгийн хуулийн 13-ийн 14 дүгээр зүйлд “... хүний нэр төр, алдар хүнд, хуулийн этгээдийн ажил хэргийн нэр хүндэд халдсан, илт худал мэдээллийг олон нийтэд тараасан бол 450-1300 нэгжтэй тэнцэх хэмжээний төгрөгөөр торгох эсвэл 240-720 цаг хүртэлх хугацаагаар нийтэд тустай ажил хийлгэх, эсвэл 1-3 сар хүртэлх хугацаагаар зорчих эрхийг нь хязгаарлах ял шийтгэнэ гэсэн заасан. Энэ нь Үндсэн хуулийн холбогдох хэсгүүдийг зөрчсөн тухай ҮХЦ-ийн 2025 оны 10 дугаар дүгнэлт гарсан билээ.
Үүнтэй холбоотой холбогдох ажлын хэсэг байгуулагдаж, хуулийн төслийн талаар холбогдох байгууллагуудаас санал авч, олон нийтийн хэлэлцүүлэг зохион байгуулж, таван удаа хуралдаж Эрүүгийн хуульд өөрчлөлт оруулах тухай хуулийн төслийг боловсруулжээ.
Байнгын хорооны хуралдаанд ажлын хэсгийн гишүүдээс гадна УЕПГ, ХЗДХЯ, ЦЕГ-ын холбогдох албан тушаалтнууд оролцож сэдвийн хүрээнд асуулт хариулт өрнөж, санал солилцлоо. Энэ үеэр сүүлийн таван жилд 110 хүнийг үзэл бодлоо илэрхийлснийх нь төлөө шийтгэсэн тоо баримтыг УИХ-ын дэд дарга Пүрэвдорж танилцууллаа. Эцэст нь Эрүүгийн хуульд оруулах нэмэлт өөрчлөлтийг гурван газар нэг бүрчлэн тусгаж дахиж байнгын хорооны хурлаар хэлэлцэхийг гишүүдийн олонхи дэмжлээ.
Сэтгэгдэл (0)
Сэтгэгдэл бичигдээгүй байна