Өмнөд Солонгосын жүжигчин, дуучин Cha Eun-woo гэр бүлийнхээ компанийг ашиглан их хэмжээний татвараас зайлсхийсэн байж болзошгүй гэх маргаанд холбогдлоо.
Солонгосын Үндэсний Татварын Албанаас түүнийг 20 тэрбум воноос дээш хэмжээний нэмэлт татвар төлөх магадлалтай хэмээн мэдэгджээ. Түүнийг ээжийнхээ Cha’s Gallery зэрэг компаниудаар орлогоо дамжуулж хувь хүний өндөр татвараас зайлсхийж компанийн бага хувиар татвараа төлсөн байж болзошгүй гэж үзсэн байна
Мөрдөн шалгагчид уг компанийг бодит үйл ажиллагаагүй “цаасан компани” байсан гэж дүгнэж, татварыг дутуу төлсөн байж болзошгүй хэмээн тогтоожээ.
Cha’s Gallery компани нь 2019 онд байгуулагдсан бөгөөд Cha Eun Woo гүйцэтгэх захирал, түүний эцэг эх удирдах албан тушаалд бүртгэгдсэн байсан байна.
