Тэмцээн зохион байгуулагч ESL-ийн зүгээс багуудын урамшуулалт хөтөлбөрөө өнгөрсөн онд зарлаж энэ оны бүх тэмцээнүүддээ уг тооцооллоо нэвтрүүлсэн юм.
Энэ нь ESL-ийн зохион байгуулсан тэмцээнүүдэд багууд тогтмол оролцож байгаа эсэх, тэдний тоглолтыг үзэж байгаа үзэгчдийн тоо, багуудын гаргасан амжилт байр зэргээс хамааран оноо өгч тэрхүү оноонд харгалзах хувиар мөнгөн урамшуулал өгөх юм.
Тэд энэ онд S-Tier зэрэглэлийн 7 тэмцээн зохион байгуулж 42 баг өрсөлдсөнөөс топ 16 баг нь $2,950,000-ийг цуглуулсан онооны хувиар хувааж авах бөгөөд манай улсын The MongolZ багийн хувьд бүх 7 тэмцээнд оролцож нийтдээ 378 оноо авсан байна. Энэ нь бүх онооны 10% болж байгаа бөгөөд $295,313-ийг урамшуулал болгон авахаар болжээ.
Эх сурвалж: META
