Монголын Үндэсний Олимпын Хорооны Гишүүдийн хурлаар Олимпын Чуулганыг 2026 оны гуравдугаар сарын 12-ны өдөр зохион байгуулахаар шийдвэрлэсэн. Энэ чуулганаар Удирдах бүрэлдэхүүний шинэчлэхээр нэр дэвшигчдийн материалыг хүлээн авч дуусчээ.
МҮОХ-ны Ерөнхийлөгчид одоогийн Ерөнхийлөгч Б.Баттүшигээс өөр өрсөлдөгчгүй бол дэд Ерөнхийлөгчид Монголын гимнастикийн холбооны ЕНБД Г.Ерөөлбат, Монголын мастеруудын биеийн тамирын спортын хорооны Ерөнхийлөгч Ч.Наранбаатар, Монголын тэшүүрийн холбооны Ерөнхийлөгч Д.Болормаа, Монголын ширээний теннисний холбооны Ерөнхийлөгч Ц.Гантулга, Монголын үндэсний олимпын академийн Ерөнхийлөгч Ч.Зоригтбаатар, Монголын чөлөөт бөхийн холбооны Ерөнхийлөгч Я.Содбаатар нар нэрээ дэвшүүлжээ.
Мөн гүйцэтгэх зөвлөлийн гишүүнд УИХ-ын дарга асан М.Энхболдын хүү Э.Анар, НИТХ-ын дарга асан Ц.Сандуй нарын хүмүүс нэр дэвшээд байна
