МИАТ компанийн 14 ажилтан Бахрейнд пуужингийн довтолгоо явагдаж буй бүсэд байрлаж байна.Тодруулбал, МИАТ компани Филиппин – Бахрейн чиглэлд түрээсийн нислэг үйлдэж байсан МИАТ компанийн 28 хүний бүрэлдэхүүнтэй нислэгийн баг ажиллаж буйгаас 14 гишүүн нь ээлжээ хүлээн Бахрейнд байрлаж байна. Өчигдөр Монголын багийнхан байрлаж байсан газрын хажууханд дэлбэрэлт болсон тул Бахрейны ресорт бүхий арал руу яаралтай шилжүүлсэн байна. Катар улс хилээ хаасан тул тэднийг эх оронд нь буцаах боломжгүй байдал үүссээд байгаа аж. Тиймээс МИАТ компанийн байгуулсан Шуурхай штаб Монгол Улсын Гадаад харилцааны яамаар дамжуулан Бахрейны талтай холбогдож агаарын хил нээгдмэгц иргэдээ татан авахаар төлөвлөжээ.
Одоогийн байдлаар тус нислэг үйлдэх ёстой байсан онгоц Манила хотод нислэгээ хүлээн саатсан байдалтай байна.
