Гишүүний бүрэн эрх дууссанаас хойш авдаг 12 сарын цалинтай тэнцэх тэтгэмжийг хүчингүй болгохоор УИХ-ын гишүүн Б.Хэрлэнгээр ахлуулсан 9 гишүүний бүрэлдэхүүнтэй ажлын хэсэг байгуулан, хууль санаачилж УИХ-аар хэлэлцүүлэхээр боллоо
УИХ-ын гишүүн Ч.Номин: Төрийн байгуулалтын байнгын хороо, Өргөдлийн байнгын хорооны хамтарсан хуралдаанаар нийтийн ашиг сонирхлыг хөндсөн асуудлаар гаргасан иргэдийн өргөдөл дэмжигдлээ.
Зуун мянган иргэн гарын үсэг зурсан “Хэрэв гишүүн бүрэн эрх дуусгавар болсноос хойш ажил эрхлээгүй бол 12 сарын хугацаанд гишүүний үндсэн цалинтай тэнцэх хэмжээний тэтгэмж, бага цалинтай ажилд орсон бол цалингийн зөрүүтэй тэнцэх хэмжээний тэтгэмж, ...олгоно” гэснийг хүчингүй болгох асуудлыг зарчмын хувьд дэмжиж байна.
Өөрийн хүслээр сонгуульд нэр дэвшиж, ард түмнээ төлөөлж буй УИХ-ын гишүүд, татвар төлөгчдийн мөнгөөр цалинжиж буй дарга, сайд нар ард түмнээсээ илүү эрхтэй, дабл стандарттай байж болохгүй.
Цаашид зөвхөн тэтгэмжийн асуудал бус УИХ-ын гишүүний бүрэн эрх, бүрэн эрх дууссаны дараах үүргийг нарийвчлан зохицуулах шаардлагатай
