Боловсролын сайд П.Наранбаяр Бүгд Найрамдах Солонгос Улс дахь Монгол сургуулийг үүсгэн байгуулагч, захирлуудтай уулзаж, сургуулийн үйл ажиллагаа болон цаашдын хамтын ажиллагааны талаар санал солилцлоо. БНСУ-д 15 мянга орчим сургуулийн насны монгол хүүхдүүд аав ээж, асран хамгаалагч нарынхаа хамт тус улсад амьдарч байгаа аж.
1998 онд буюу 27 жилийн өмнө БНСУ-д байгуулагдсан анхны монгол сургууль бөгөөд 1-12 дугаар ангийн 346 монгол хүүхэд одоогоор суралцаж байна. Тэдэнд монгол хэл, түүх, соёлын хичээлийг монгол багш нар заадаг аж.
Уулзалтын үеэр Боловсролын сайд П.Наранбаяр тус сургуулийг Монгол, Солонгосын гүүр болж, эх хэл, соёлоо түгээн дэлгэрүүлж байгаад талархал илэрхийлээд, суралцагчдын хувьсах зардлыг цаашид ч үргэлжлүүлэн олгохоо мэдэгдлээ. Мөн Монгол Улсын Ерөнхийлөгч 09 дүгээр сарын 01-нд хичээлийн шинэ жилийн нээлтэд зориулан заах хичээлийг сурагчдад хүргэх, "Мэдлэ" цахим сургуультай хамтран ажиллах зэрэг саналыг дэвшүүлэв.
Мөн энэ оны наймдугаар сарын 15-нд сургуулийн төгсөгчдийн уулзалтыг зохион байгуулахаар төлөвлөж байгаа юм байна.
