Налайх дүүргийн онцгой байдлын хэлтэс болзошгүй үер, усны ослоос урьдчилан сэргийлэх зорилгоор тус хэлтсийн Эрэн хайх, аврах бүлэг, Налайх дүүргийн Хүүхэд, гэр бүлийн хөгжил хамгааллын хэлтэс-ийн алба хаагчидтай хамтран дүүргийн 1,6-р хороо Туул, Тэрэлж голын ойр орчмоор хөдөлгөөнт эргүүл ажиллаж байна.
Иргэд та бүхэн гол, усны ойр орчимд аялж, зугаалахдаа бага насны хүүхдийг гол болон тогтоол усны ойролцоо тоглуулахгүй байх, хүүхдэдээ тавих хараа, хяналтаа сайжруулах, хийлдэг завь, дэр зэргийг ашиглахгүй байх, булчин, шөрмөс татах үед усанд орохоос татгалзах, түргэн урсгалтай гүнзгий голын усанд сэлэхээс зайлсхийх хэрэгтэйг сэрэмжлүүлж байна. Мөн гол горхи, нуурын ус гатлахдаа зориулалтын гарам, гүүрээр гарах, согтууруулах ундааны зүйл хэрэглэсэн үедээ гол, ус уруу орохгүй байхыг ОНЦГОЙЛОН анхааруулж байна.
НАЛАЙХ ДҮҮРГИЙН ОНЦГОЙ БАЙДЛЫН ХЭЛТЭС
