Хичээлийн шинэ жилийн үзэсгэлэн худалдаа нийслэлийн 9 дүүргийн 19 байршилд зохион байгуулагдана.
2025-2026 оны хичээлийн шинэ жилийг угтан сурагч, оюутан болон эцэг эхчүүдэд хичээлийн хэрэгсэл, сурагчийн дүрэмт хувцсыг нэг дороос өргөн сонголтоор худалдан авах боломжийг бүрдүүлэх, хүртээмжийг нэмэгдүүлэх, дотоодын үйлдвэрлэгчдийн бараа бүтээгдэхүүнийг хэрэглэгчдэд ойртуулах, хотын түгжрэлийг бууруулах зорилготой Хичээлийн шинэ жилийн үзэсгэлэн худалдааг нийслэлийн 9 дүүргийн 19 байршилд зохион байгуулахаар төлөвлөсөн. Үүнээс өнөөдрийн байдлаар 10 байршилд худалдаа эхлээд байна.
Үүнд:
1. Баянзүрх дүүрэг, 4 дүгээр хороо, Жуковын талбай;
2. Баянзүрх дүүрэг, 26 дугаар хороо, Дүнжингарав худалдааны төв;
3. Баянзүрх дүүрэг, 42 дугаар хороо, Баялаг ундраа худалдааны төвийн гадна талбай;
4. Баянгол дүүрэг, 15 дугаар хороо, Байгаль Эх цогцолборын талбай;
5. Баянгол дүүрэг, 15 дугаар хороо, Апексийн дэлгүүрийн урд талбай;
6. Баянгол дүүрэг, 29 дүгээр хороо, “Шинэ сандэй” худалдааны төв гадна талбай;
7. Сүхбаатар дүүрэг, 3 дугаар хороо, Аса арена гадна талбай;
8. Сүхбаатар дүүрэг, 4 дүгээр хороо, Хичээнгүй сайд Б.Цэрэндоржийн гудамж;
9. Сүхбаатар дүүрэг, 5 дугаар хороо, Голомт хотхоны хойд талбай;
10. Хан-Уул дүүрэг, 8 дугаар хороо, IC парк.
