Euphoria цувралын “од” үзэсгэлэнт Хантер Шафер

Хантер Шафер нь Euphoria цувралын шинээр гарч ирсэн гялалзсан “од” бөгөөд анхны цуврал гарахад буюу өнгөрсөн оны зургадугаар сардаа хэдхэн хоногийн дотор маш алдартай болсон билээ. Euphoria нь өсвөр насныхан буюу одоогийн Z үеийхний тулгардаг олон бэрхшээлүүд тэр дундаа сэтгэцийн эрүүл мэндийг асуудлыг ихээр хөнддөг маш өвөрмөц өнгө төрхтэй кино ба Шаферын хувьд Жюль Воны дүр жүжигчний карьерийнх нь анхны дүр байсан юм.

Тэрээр "New York Times"-д өгсөн ярилцлагадаа энэ дүр өөртэй нь олон талаараа төстэй учраас Жюлын дүрийг бүтээхэд тус болсон хэмээн дурджээ. Бас ахлах сургуулийнхаа амьдралын тухай тэр "Нэлээд хэцүү байсан" хэмээн дурсан ярьжээ.

Өдгөө 21 нас хүрч буй Шафер зөвхөн дэлгэцэн дээр гялалзаж байгаа төдийгүй Euphoria цувралд тоглохоосоо өмнө загварын салбарт маш амжилттай байсан. Тэрээр  Dior, Miu Miu, Versus Versace, Marc Jacobs гэх мэт олон алдартай брэндүүдтэй хамтран ажиллаж байсан. 

Түүний хэв маяг нь бусдаас ялгарч, онцгой нэгэн болгодог төдийгүй загварын тайзан дээрх хүчирхэг стандарт алхалт , хурц харц мөн хувцаслалт нь олны анхаарлыг маш ихээр татсаар байна. Тэрээр мөн ЛГБТ хүмүүсийн эрхийн төлөө тэмцэгч билээ. Ингээд түүний үзэсгэлэнтэй, хараа булаам гэрэл зургуудыг хүргэж байна.