УИХ-ын гишүүн Б.Бат-Эрдэнэ: Сургуулиудын менежментийг сайжруулахад албан тушаалын асуудал үүссэн үү үгүй юу гэдгийг ярьж байгаа. Өөрөөр хэлбэл Монгол улсын төрийг сайд нар тангарагтаа үнэнч байх ёстой. П.Наранбаяр сайдын хувьд 1.2 тэрбум төгрөгийг 120 сургуульд хуваарилж өгөөд буцаад өөрийн хамаарал бүхий ТББ-руу авсан асуудал байна. Энэ дээр Галбадрах гэдэг УИХ-ыг гишүүний нэр хөндөгдөж байгаа. Энэ хоёр хүн бол Шинэ Монгол Харүмафүжи гэдэг сургуультай холбогддог. Үүн дээр л асуудал яригдаж байгаа. Гол нь албан тушаал ашиг сонирхлын зөрчил байж болохгүй. Энэ сайдыг огцруулахгүй бол бид нар УИХ-ын гишүүнээс эгүүлэн татах асуудлаар Үндсэн хуулийн цэцэд хандахаас гадна бусад алхмуудыг шийдвэртэй хийнэ. Дүн зассан асуудал дээрээ БҮТ-ын захирал нь хариуцлагаа хүлээх ёстой. Байхгүй хяналтын менежер гэдэг оронтоо гаргаж 29 тэрбум төгрөг зарцуулсан дээр шүүмжлэлтэй хандаж байгаа энэ бол зарчмын асуудал гэв.
