FOCUS & FACT: ӨМНӨГОВЬ АЙМГИЙН ТЕНДЕРИЙГ БАЗСАН СҮЛЖЭЭ

ХУДАЛДАН АВАХ АЖИЛЛАГААНЫ ГАЗРЫН ДАРГА Э.ГАНХУЯГИЙН ТӨРСӨН ДҮҮ 

7,9 ТЭРБУМ ТӨГРӨГИЙН ТЕНДЕРТ ЯЛЖЭЭ

Өмнөговь аймгийн Засаг дарга Н.Энхбат,  ангийн анд худалдан авах ажиллагааны газрын дарга Э.Ганхуяг нарын “ТЕНДЕРИЙН ХУЛГАЙ”-н хардлага, сэрдлэг  сүүлийн өдрүүдэд нийгмийн сүлжээнд цацагдаад буй   Тэдгээр мэдээллийг фокуславал үнэний ортойг оpendata –гийн баримтууд баталж байна.

Өнгөрсөн оны арваннэгдүгээр сард тамгаа хүлээн авсан Өмнөговь аймгийн Засаг дарга Н.Энхбатын ангийн найз Э.Ганхуяг нь түүний өмнөхөн  аймгийнх нь Худалдан авах ажиллагааны газрын даргаар томилогдож,  төрсөн дүүгийнх нь  “Хуяг эрчим” ХХК энэ аймагт тендерийн ноёрхлоо улам баталгаажуулжээ.

 УБЕГ-ын нээлттэй мэдээллээс харахад нийт 27 тендерт оролцсоноос нь 13-т нь ялсан баримт цахим хуудастаа мэдээлжээ. Бүгд Өмнөговь аймгийн Худалдан авалтын газраас зарласан тендер байгаа нь анхаарал татахгүй байхын аргагүй.

Тус компани нь  аймгийн Худалдан авах ажиллагааны газрын дарга Э.Ганхуягийн төрсөн дүү Э.Очирхуягийн эзэмшлийнх бөгөөд нийтдээ 7,9 тэрбум төгрөгийн тендерт ялсан байх бөгөөд цахилгаан дамжуулах, түгээх шугам, дэд бүтцийн угсралт, засварын ажил, туршилт тохируулгын тусгай гурван зөвшөөрөл эзэмшдэг юм байна. 

 Баримтыг фокуслаж “Хуяг эрчим” ХХК-ийн Өмнөговь аймгаас авсан тендерийг жагсаавал:

• Хөдөлмөр, халамжийн үйлчилгээний газрын дэргэдэх ахмадын сувилалын цэвэр бохир усны шугамыг засварлах - 50,000,000 ₮

• 35/10 кВ-ын 1*2500 кВА чадалтай дэд станц, 10кВ-ын хаалттай хуваарилах байгууламж шинээр барих - 577,000,000 ₮
• Ханхонгор сумын Мандах багийн "Жуулчин говь" жуулчны баазаас баруун тийг 2 км-т байрших ногооны талбайг 10 кВ-ын ЦДАГ-д холбох- 91,151,100 ₮
• Хаяагийн гол, Өнчийн зоон мод үржүүлгийн газруудын 0.4 кВ-ын ЦДАШ-ыг барих- 267,500,000 ₮
• Сумдын цахилгаан эрчим хүчний эрсдэлээс хамааралтай аваарын тасралтыг бууруулах зорилгоор ЦДАШ болон дэд станцыг шинэчлэх, хүчин чадлыг нэмэгдүүлэх /Ханхонгор чиглэлд Жуулчин дэд станц/ (ӨМАОНӨГ/202212003)-638,000,500 ₮
• Тэсгэний 2 худгийг цахилгаанд холбох- 129,000,000 ₮
• Уурхайн ачилтын талбайд ЦДАШугам барих, дэд станцын угсралтын ажил гүйцэтгэх- 179,500,000 ₮
• Даланзадгад сумын Гурвансайхан хорооллын 0.4 кВ-ын цахилгаан дамжуулах агаарын шугамыг байгуулах- 780,000,000 ₮
• Тэсгэний 2 худгийг цахилгаанд холбох- 129,000,000 ₮
• Уурхайн ачилтын талбайд ЦДАШугам барих, дэд станцын угсралтын ажил гүйцэтгэх- 179,500,000 ₮
• Даланзадгад сумын Гурвансайхан хорооллын 0.4 кВ-ын цахилгаан дамжуулах агаарын шугамыг байгуулах- 780,000,000 ₮
• Сумын төвийн гэр хорооллын 0.4 квт-ын цахилгааны шугамыг өргөтгөх- 80,000,000 ₮
• Ханбогд сумын Дэмчогийн хийд, аялал жуулчлалын бүсийг цахилгааны эх үүсвэртэй холбох- 3,443,000,000 ₮

Хамгийн ноцтой нь эдгээр тендерүүдийн шалгаруулах  Ажлын хэсгийн даргаар нь Өмнөговь аймгийн Худалдан авалтын газрын дарга төрсөн ах Э.Ганхуяг өөрөө ажилласан нь ашиг сонирхлын ноцтой зөрчил тул АТГ шалгах ёстой хэмээн шударга иргэд мэдээлж байна.